شفتك وشفت الحب والشوق والود
في داخل عيونك تسولف لعيني
وش قد حبك والغلا قول وش قد
وش قد ودك والوفا والحنيني
خلك تمد الحب والشوق وامد
قلب ن رفض يجلس هنا مايبيني
يبغيك ياجعلك بساحته تقعد
وتحط يدك في بطاين يديني
وتقول قلبك فالهوى قول وش رد
ويرد قلبي بين وصلك وبيني
لابد ناقف كلنا ب يد لابد
في وجه الاعداء ياسواد السنيني
نحكم هوانا حكمة الضد للضد
والوصل ينفذ يااجي ياتجيني
هذا عهد مابيننا نوفي العهد
والحب نبراس الوفا والحنيني
مانقترب من طاري البعد والصد
قرب يمينك وابا قرب يميني
نحلف ونقسم بالعهد ثم نوعد
ياجعل يفدانا العمر ياضنيني
بقلمي
| توقيع : رائد العصيمي |
اللهم اشرح صدري ويسر امري
اللهم انصر اخواننا المسلمين في سوريا .. اتمنى من الجميع الدعاء لهم بالتوقيع
تويتر ( رائد لمتابعة قصائدي والتواصل معي )
مدونتي (ياركني الهادي تراني نصيتك)
|
