[عنود الصيد]

*,

ياما تثاقلت المقـادير وعيوني ما بكت
ياما يخيب الظن واضحك خوف من فرحة عداي

عودت نفسي بيني وبيني ليا منها شكت
لا الناس دايم تنصفك ولا الزمن على هواي

وعلى كثر ما حاولت فيّ المقادير ، إدركت
لوحاولت (مره ثلاثه ألف) ماتبحث خفاي

اللي اعرفه إني لنفسي ، ولنفسي ما املكت
ومن راح راح ومن يبيك يجيك واللي جاي جاي

الوقت يمضي مادرى والناس تفرح لا حكت
أبلحقه وأحقق اللي لي ، ولا أطالع وراي


والكلمه اللي مالها داعي ومرّت واسلكت
أمّا مشت من طيب ولا حشمه لقدر اخوياي

الله يسامح من ليامن ظن بي حاجه سكت
والله يعاقب من ليا سولف يسولف في قفاي