المجتمع صاير حلاله/حرامه
وحناا نقول انه مثالي
وممروق نحرص على اسباب الزعل الملامه
ونقول كيف نفارق الضيق ونروق؟
صرناا نفكر في( الغطا/ واللثامه )
ونكشخ ونقضي يومنا لف فسوق
الشخص فينااكل همه غرامه
كنه عشان الحب والعشق مخلوق
نحكي بذوق مع العرب وابتسامه
لكن مع اهلناا ما نعرف الذوق
ننسى ان كل انسان فكره مقامه
ونصنف اهل المجتمع تحت او فوق
صار الرجل حلمه وجل اهتمامه
يصبح غني لو كان من مال مسروق
قليييل من فكر بيوم القيامه
تفكيرناا كله في الاحساس والشوق
نبغى حقوق انسان لو هي علامه
وحنا ما عطيناا (ربنا) اية حقوق
نحكي عن الدين وعن الاستقامه
وبيوتناا اغلبهاا (خيانات وعقوق
وشلون يفرض مجتمعناا احترامه
واكبر طموحاته متى الحرمه اتسوق
