مزاجي:

يحن قلبي لجلِ وقتن طويناه
.........................وقتن رحل مع ماضيات السنينا


فيها اتذكر كل شي<ن> عملناه
.........................وعنها مع الايام لا ماسلينا


وتهل عيني لجلِ بيتن بنيناه
.........................الله يامحلا بيوتن بنينا


فيها الوفاء والطيب فيها وجدناه
.........................فيها يدينن بالعطا مكرمينا


هلت دموع العين ساعة ذكرناه
.........................ياروحي تكفي تكفي لاتذكرينا


والله مانسى كل يومن فقدناه
.........................وانا على ذيك الليالي حزينا



الله الله ما اجمل هذه الابيات...
حقيقة ياريما أبياتك تذكرني بقصائد الزمن الأصيل.....

أعتقد انك وصلتي لمرحلة متقدمة .... لان فيه ميزة في ابياتك وهي الجزالة ،،
انتقاء المفردات وجزالتها عندك بشكل رهيب .... ابياتك تذكرنا بحبك وسبك القصائد القديمة للشعراء الكبار....
اعتقد اذا واصلتي على هذا النهج راح تكون لك بصمة خاصة فيك انتي ....
أستشف هذا الأمر في الأيام القادمة والله أعلم،،
تحية وتقييم تستاهلينها..

وبالنسبة للشطر اللي ذكرت اختي الهوى...
بالفعل يحتاج تعديل بسيط في الوزن بس ماينقص من جمال االابيات نهائيا
ربما لو كان كذا افضل تعديله ع السريع بس " تكفين يا ذي الروح لا تذّكرينا "

تحياتي ريما،،

الآدمي لو كل شيٍّ بشوره = ما ضاق من دنيا العنا والغرابيل
لا شك من لا صار نفسه صبوره = حكوا به العالم قروم ومهابيل