يكسيك ربي كل حسناتك هدوم=ويحرق الهي كل سيئات شرّك
لو كان كلك عندنا ابيض علوم=والا سواد العلم لا مايمرّك
لاضاق شعبك صرت ضايق ومهموم=ولامن فرح شعبك بفرحة يسرّك
في كفك اليمنى نصر كل مظلوم=وفي كفك اليسرى عناء من يضرّك
تساعد المكسور حتى انه يقوم=وتغيث منهو جاك يطلبك برّك
مدك بحر ماكل من جاه بيعوم=لله درك بس لله درك
واليوم ياكبر الحزن بس هاليوم=يوم اننا نفقدك والموت مرّك
الموت حق وكلنا مانبى ندوم=ياجعلنا وسط الجنان نتحرّك