لا آون من ضيقه ولا آون من همْ=بطاني وسيع ولا لحقني محاقه
غير البلا قلبي عروقه تلازمْ=كنها وسيطٍ بين ربع ورفاقه
من وآحدٍ حبه تسابق مع الدمْ=وأروى عروقي من نبيذ العشاقه
الله عطاه الزين من جاك لي تمْ=وفوق الجمال الله عطاه اللباقه
راعي جديلٍ فوق ردفه تقسمْ=كنّه سواد الليل من خلف طاقه
وخشمه مع العينين والخد والفمْ=لو شافها رآكد تخمّه طفاقه
ان قلت له يازين لبى وسلهم=لبيه منّه للمشاعر إراقه
وإن قالي ياعبيد قمت آتلعثمْ=يثقل لساني وأفتقد للطلآقه
بس الوكاد إني معه باتنعّمْ=دآم إن زماني قدمه وسط باقه
هي ونتي يوم البشر ما تفهّمْ=أون ويقولون خلّ العلاقه
مايفطنون ان المفارق مسممْ=وترياقه من الوصل مثل الافاقه
النار في قلبه من البعد تضرمْ=وزودٍ على النيران زاد إشتياقه
الله علم هو من تولع تالمْ=او للهوى في شرع الاحباب طاقه
لكن على حسب الوضع باتكلمْ=وارمي على المجمول مني طلاقه
انه سكن قلبي وانا فيه مغرمْ=وانه ملك عرش الغلا في رباقه
وان العرب لي جاتني ما تسلمْ=ماجوز عنه دام لي فيه فاقه