الملتقى الجماهيري للشاعر محمد بن فطيس المري - عرض مشاركة واحدة

الاوسمة · #1 10-14-2011, 10:15 AM

بسم الله الرحمن الرحيم
السلام عليكم ورحمة الله وبركاته

اسعدالله اوقاتكم بكل خير
اعضاء ملتقى الشاعر محمد بن فطيس المري
سوف اقدم لكم قصيده للشاعر ناصر مناحي
راقت لي واتمنى ان تروق وتستحوذ رضاكم
اترككم مع القصيده

~ *** ~

ما برد عزمي ولا غيّـر لهيـب الحـب لونـي
دام لي قلبٍ من عروق الوفـا يسقـي وريـده

والهوى حظ ونصيب ودمعتي عـذرا جفونـي
وللجفون سلوم والدمعه تخاف مـن النقيـده

ليه يا من تسرقين الـود مـن نظـرة عيونـي
ما حسبتي غيبة اللي لا نوى الغيبـه .؟ فقيـده

وليه لا عزّمت ابنسى من على الدنيـا نسونـي
ما ذكرت الا انتي وجرحٍ مساحاتـه عديـده

ليت عذرك عن وفاك وغلطتك يلغي شجونـي
وليت لي قلبٍ بدون احساس واحكامه شديده

كنت اظنك ما تعيشين العمـر لحظـه بدونـي
واثر ما للظن غير اللـوم ولحـون القصيـده

اذكريني .. كل ما فاضت عيونك وإفقدونـي
وكلّ ما دمعك نشد خدك وقال .. شصار بإيده

واذكريني .. لا غزا البرد الضلوع وما لقونـي
ولا جبرك الوقت في ممشاه واطباعك عنيـده

واذكريني .. كل ما جاتك من العالـم لحونـي
عقب ما كنتي من لسانـي تعرفيـن الجديـده

واذكريني .. كل ما احتجتي تخونيني .! وخوني
في غيابي .. كل ذكرى بيننا كانـت سعيـده

والا انا لا من ذكرتك .. ما ذكرت الا طعوني
فالزمـان اللـي تجمّعنـا بـه الله لا يعـيـده

ما ربحت الا جفاك وما خسـرت الا جنونـي
ولا بعد هذا سوى النسيان و الفرقا الاكيـده

سامح الله غلطة احساسي قبل غلطـة عيونـي
وسامح الله هاجسي في ما هدا لك من رصيده

لو ظنوني يوم واحـد تشعـر بخيبـة ظنونـي
ما يصير الحزن سيد الصدر وافراحـي عبيـده

سامح الله ذنب كلّ اللي على الضيقه حدونـي
لين صرت اواجه الايام فـي بسمـه وحيـده

~ *** ~

[youtube]

المصدر: الملتقى الجماهيري للشاعر محمد بن فطيس المري