[الشاكر أبو سامي]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المحاورة التي جرت بين الشاعرين : الصييفي والشاكر أبو سامي=
الصييفي=
يا سلام الله على اللّي حاضرين بملتقى الرديَّـه =عد ما خيّل خيال و سالت الوديان عقب امطاره
قالوا الشاكر أبو سامي تواجد، قلت يا الله حيِّه =ودي آحذ معه جوله بالشعر، دامه بوسط الحارة
الشاكر=
مرحبا ترحيبة من هاجس صافي وطيب نيـه = عد ماحجوا حجيج البيت والي قادمين زياره
يالصييفي يرحم الشايب ولا هالحين ناره حيه = طب وسط المعركه والمعركه داره وراها داره
الصييفي=
اشهد انك شاعر(ن) تضبط عيار القاف بالمليَّه =و السبب هذا هو اللّي شدني أرمي معاك الشارة
الله انه يرحم الشيبـان أهـل القهـوه البريّـه =وقتهم روّح و جا وقت(ن) لجيل الببسي الفوّاره
الشاكر=
الشهادة منك ياسرحـان تكفينـي ميـه بالميـه =والهدف منصوب والرشاش حذرى تخلفون عياره

ودنا ناخذ معـك لفـه علـى سيـارة الدوريـه =لين نبرح نقطـة التفتيـش للـزوار والمـراره
الصييفي=
غاضني يوم الصغير يزاحـم العمـلاق فـي ناديِّـه =عقب حطوا "سام" في وسط "العديد" و شن منها غاره
ما درى انه في خصر عملاقنـا كالزايـده الدوديّـه =لو تألّـم منـه ساعـه، بآخرتهـا نطلتـه مقـداره
الشاكر=
كلنا نومن بطبخ الطبخه المطبوخه السريه =حاكها من حاكها لباسة الدشداش والنظاره
والبلا نعمان يوم انه تعكز بالعصا السحريه =واحتزم ثم التزم يثني بها فنجال ماهو كاره
الصييفي=
لو بغى يخفي الأثر برداه ما يخفى على المريَّه =لو هو اللص الملكَّع في البلد ما تختفي آثـاره
لا يهمك صاحب الثوب الغبر و الغترة الورديَّه =لو عمل مهما عمل يبلش بعملة نفسه الأمَّارة
الشاكر=
عد بنا يالتاجـر اللـي مغتنـي ومنكـس الكوفيـه =ابك انا شاوي وراعي بـل خلـف البـل بالمطـاره
لاتودينا البحور اللي عميق غزرها عن ديرة الحربيه = البحـر غـدار والدوامـه اللـي داخلـه غــداره
الصييفي=
أنت شاعر تسبح الاعماق كنك ماسـك(ن) ورديّـه =و مصدر الشعر القوي دايم من الصحرا يجي شعاّره
الشعر فـي ملتقاكـم ظنتـي مالـه شبـه موليّـه =كل شاعر ماسك(ن) بيرق و يرمي بالبحر سنـاره
[/poem]

 

 

 

 

 

 

 

 

توقيع : الشاكر أبو سامي

[poem=font=",5,white,bold,normal" bkcolor="limegreen" bkimage="" border="double,4," type=0 line=0 align=center use=ex num="0,black""] لابد لي من نصرة أم المؤمنين الطاهره = ابنة أبو بكر الصديق أول خليفة يجتبى الله براها ونقاها واياته ظاهره = والشيعي الملعون يخسأ في كلامه ويهبى[/poem]