ونتي ونة خلوجٍ معى وقت العتيم
وكدت مذبح ولدها وحالوا دونها
حالي اللي راحت اشجار وديانه هشيم
مبطي مازيد دب الحيا في اغصونها
لاجرى ماها ولازيد حركها النسيم
من بطى الامحال فيها تغير لونها
كانيٍ مابي وانا مخفيٍ شيٍ عظيم
وكل الارض اليوم ضاقت علي اركونها
ياعرب تكفون من كان به قلبٍ رحيم
كل نفسٍ صابها الحزن لاتقصونها
خاطري داروه ياللي تدارون اليتيم
وان بكت عيني من الدمع لاتنهونها
كبدي اللي لاعها خافي الحزن السقيم
وكل ماقلنا تشالت تزيد اطعونها
كل مابريت جروحي من الحزن القديم
جيت دارٍ حايلٍ البطا من دونها
في الهوى حزات من وصف جنات النعيم
وفيه نارٍجملة الخلق مايقوونها
| توقيع : سمـ المراجل ـو |
|
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
