[رائد العصيمي]

هنآ على شاطيء الإبدآع ...

* ( رائد العصيمي و محمد الوريكي )
* الإثنين 12 / 11 / 1432 هـــ

رائد العصيمي :

سلام الله سلام الله وانا شاعر ولي تقديـر**احب الشعر واعشق كل شعـار السعوديـة

اشوف طويق من كبره يدقق في جبال النير**عسى مايطحن الضلع المسمى وقت عصرية

محمد الوريكي :

هلا يا مرحبا ترحيبتن تبنالك من اعصيـر**على اللي قام ثم رد السلام .وخامس ايديـه

اشوف الي اتشوفه يا العصيمي والنوايا غير**عساك ان جبتها يا صاحبي من فوقها حيـه

رائد العصيمي :

يدوم لك البقا وانته حبيب الشعب لكن مير**يحبونة جميع الخلق يمكن من صفـا نيّـة

يقولون العرب جساس يبغى غدرتك يالزير**وانا مدري فهمها الزير والا مادرا ب شيّة

محمد الوريكي :

انا ادري وانت تدري لاكن ان السالفه ذي غير**اباك اتصير مثلي وانت قمت اتلفلـف اشويـه

ترا جساس يومنه غـدر بكليـب قصـة بيـر**وانا ما بيـك تصيـح بيـن هاذيـه وهاذيـه

رائد العصيمي :

انا ودي انّي ارسلّك رسالة وسطها تحذيـر**لامنه جاء نهار الرمي لاتزبـن ذرا الفيّـة

انا اشوف الخطر جانا لكنك وش علي تشير**نبى الفزعة جنوب وغرب والوجهات شرقية

محمد الوريكي :

نهار الرمي يا رايـد نبـا نعطيكـم التقريـر**ولامني عطيتك علمي . احفض هاذي اوصيه

تقول ان الخطر بين . نبا صوره من التصوير**الا يا الله باربي عسـى تدمـح لـه السيـه

رائد العصيمي :

علامك صرت متخدر وواضح يمك التخدير**نبى نلحق قبل لاتردف الكية علـى الكيـة

نهار الرمي مافيها هذا برّ وهذاك شعيـر**عساهم يامحمد يلحقـون بفصيـل العيّـة

محمد الوريكي :

انا ياصاحبي لا شفت طيرن مرتفع عن طير**تمنيـت انّهنّـه فالهـوى يبـدن مـا فيـه

اخوك اخوك يا رايد وانا معتبـرك الاميـر**اناديك المساء وانته تقول ابشر.. متى الجيّه

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]