[عنود الصيد]

الليل ليلك يا { قليل العذاريب }
........... [ وشعاد باقيلك ] لو أني جفيتك ؟!


عام ٍ { يموت } اشواق لك ؟ ومواجيب
........... كله يضمك [ والقهر ] مالقيتك !


تبي { الدليل } أني احس انك اقريب ؟
........... شفني على [ طول السهر ] مانسيتك !


اخذت مني { ولا طلبتك } مطاليب
........... وهذا خطا لاني [ ماخّذت ] وعطيتك !


الجرح خله { يسبق الوقت } ويطيب
........... انا بـ [ كلي ] للهوى مابريتك


{ ماجيتك اشكي } من صدود الاصاحيب
........... انا ؟ [ تركت الناس ] خلفي وجيتك !


علمني { انسى بك } جروح المكاتيب
........... ياللي [ يموت الدمع ] لك ؟ مابكيتك !


كل الدروب { اللي تودي } معاطيب
........... باقي طريق ؟ [ وينتهي ] عند بيتك !


تدري متى { تشعر } بإن الحكي عيب ؟
........... لما تشوفه [ ماتعدى مبيتّك ]