10-05-2011, 07:38 PM
|
|
|
اعتراف العاشق
اعتراف العاشق
في عيونك شفت يابنت الحلال
مايــكدر خاطري وهذي الحقيقه
امسحي دمع المعاتب والجدال
ماتساوي في العمـــــر لوهي دقيقه
كنت البي كل ماقتي تعــــــال
ولا زعلتي شبت بقلبي حر يــقه
الله اللي صورك سحرالجمال
وبالجـــــمال اليوسفي والله بريقه
شعرك الاشقر وفوق الخد خال
والثنايا الغر والبســمه الرقــــيقه
صعب اقول القلب من عشرتك مال
والعشيق يموت وما يجرح عشيقه
اعترف لك رغم كل اللي يقال
واعتراف العاشق الحبه وثيـــــقه
ودي اصرخ بالصحاري والجبال
ودي اكتبها على الورد ورحيقه
ودي انشدها جنوبيه وشمال
ودي القى للقوافي أي طريـــــقه
ودي امزجها مع المي الزلال
كلمة احبك وتشهدها الخليـــقه
من قصايد موسى ابومشهور الصايغ
|
