الضيق ماهو بالسعه ... والمساحه
الضيق لا ضاقت بـــك قلــوب و أرواح*
والبعد عن ما تكره النفــــس ... راحــه*
من لا تــوده ... فارقه يــــوم ... ترتاح*
وتبســمك بوجيــه ربعـــك ... سمـــاحه
خلك بشــوش ... تعيش بــ أيامــك أفراح
وحظك يعـــزك من يرفـــرف جنـــاحه*
يجيــب من ودك يجــي لـــك ولو راح
والكبــــر لــلـــه ... والتكــــبر بجــاحه*
والوقت نصه "جـد" ... والباقي "مزاح "
والصوت حشـــمه ... وإرتفاعـه وقاحه*
كذاب ... من قال إنطــح صياح بصياح
والحب يبدل صحــراء الأيـــام واحــــه*
إذا حضر ... يلغــي مسافـــات وجراح*
و أما الزعل ... لا بد تكبـــح جمـــاحه
أصبر تشوف إن الفــــرج بارقه ...لاح*
والحق يثبت في كـــلام الصــــــراحه*
مثل السمـــاء ما همها النجـــم لو طاح*
بعض العيــون تشوف فيها ...شفـــاحه*
ما كنها إلا بس " نظـــرات الأشبــاح "*
وعيــــون تاخذ هاجســـك لــ إنشراحه*
نظراتها تحنـــان ... والرمــــش ذباح*
كم كحل ضم الشوق والدمع ... ازاحه*
و ياما كحل يقعد له سنيـن ... ما ساح*
ودنياك لو ضاقت بكـــل المســـــاحه
تلقى السعه والحب ...بقلوب وأرواح
