الملتقى الجماهيري للشاعر محمد بن فطيس المري - عرض مشاركة واحدة - █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█

الاوسمة · 10-01-2011, 02:53 AM

اقتباس

المشاركة الأصلية كتبت بواسطة waleed


	السلام عليكم مساء الخير للعالميين هاردلكم على الخساره المؤلمه ،، بعيداً عن الرئيس والمطالبات باستقآلته ،، فريقنآ دخل الشوط الاول بآ اداء مميز وقتآلي واستطآع خطف هدف من السهلاوي ، لكن هنآك مشكله دائماً اتطرق لهآ وسأظل اكررهآ حتى تتعدل في فريقنآ ،، مشكله " البرود بعد تسجيل هدف لنآ " والركون عليه ،، وكذالك " الفهآوه بعد تسجيل هدف علينآ " وروح الانهزآميه لدى اللاعبين ،، يا احبتي من شاهد المباراه يشك بأن النصر هو الناقص لاعب مآهو الفتح !! الى متى هالروح الانهزآميه ، الى متى نسكت عن ضعف الاعداد النفسي من القريني !! اعجبني حديث لسامي الجابر بالأمس ان اللاعب يمتلك طاقه وكثره الضغوط عليه يولد انفجآر له ومتى ما احسّ اللاعب انه يلعب بلا ضغوط سيثق بنفسه وبقدراته ، وسيبدع لامحاله ،!! هذا المثل انطبق اليوم على " خالد الغامدي " هو الوحيد الواثق من قدراته فمن يرى اختراقاته والتحاماته رغم " ضعف جسمه البدني " يعلم ان الثقه بالنفس قادره على فعل " شيء من لآشيء " ،، وعلى النقيض تماماً في " السهلاوي " الذي يلعب بكل برود وتأتيه فرصتين محققه ويضيعهآ بكل استهتار !! يا احبتي العالميين وجود آفه مثل السهلاوي وسعد والقحطاني > الباردين يمثلون خطر على لاعبين مميزين مثل " غالب والغامدي " ، واخشى مآ اخشآه ان يختفون مع مرور الزمن بسبب وضع الفريق ووضع لاعبيه !! لابد من تغيير القريني وجلب مدير فريق يزرع الثقه بكل لاعب مهما كان تميزه او مهما كان سوئه ، الكل يتذكر ان السهلاوي في اول موسم له ابدع مع النصر ونافس على صداره الهدافين والان اصبح عاله ؟ مآسألتم انفسكم لماذا ؟ بكل بسآطه من ينطبق عليه المثل" من عآشر قومًا اربعين يوم صار منهم " ، والاسباب كثيره ومن اهمها تواجد القريني على إداره الكوره ،، ابوحمد شخصيه مميزه ومحترمه لكن يفتقد لـ مهام إدارة الكورة من تحفيز للاعب ووضع الثقه به وكذالك الانضباطيه في التمارين وفي الاداء .. لا الوم السهلاوي إن قصّر ولا الوم غيره ، لانهم يرون لايوجد هنآك " شخص يُحآسبهم على تقصيرهم " لكن متى ما ادرك اللاعب ان هناك اداره صارمه لآتلتفت لـ " الأسمآء بقدر مآتفعل هذه الأسمآء داخل الميدآن " صدقوني ستتغير اشياء كثيييره في اداء لاعبينآ تحياتي للجميع

وعليكم السلام
هاردلك وهاردلكم ياجماهير النصر
الفريق اليوم ياخوي وليد سيئ جدآ والشوط الاول النصر مستواه زفت
شاهدت الفريق الشوط الاول ولاهجمة محققة امام الباب الا عرضية برناوي الي تلقاها الزيلعي على الطاير بكل استهتار وطارت والا لو مركدها وحاطها بكل اريحية كان جت قول
بتقول الهدف وانا اقول الهدف يعتبر صدفة والفضل لله ثم لخالد الغامدي والا ماكان شفت هجمات
الشوط الثاني
اشوف الشوط الثاني كان النصر كويس هجوميا لكن فلسفة السهلاوي ورعونة بينو اضاعت النصر والا الفريق من ناحية الهجوم كان الفتح مفتوح دفاعة وسنحت للعالمي كذا فرصة ولو انها لمالك وحدة من تلك الفرص صدقني ان النصر فايز والحال لم يتغير بعد دخول ريان وسعد ف ريان ضائع تماما وسعد لاجديد على البرود ف لاعب داخل في منطقة الهجوم ويلعب وسط مع ميرسر موب لاعب ذا ..اما من ناحية الدفاع الشوط الثاني دفاع النصر اصبح عالة الا عنتر يحي والا الباقين مستواهم نزل بما فيهم خالد الغامدي الي احمله انا مسؤولية الهدف الثاني صح الغامدي قدم مباراة كبيرة ومستواه كويس حتى الدقيقة 70 وبعدها اشوف الغامدي اذا تقدم مايرجع واذا رجع مايتقدم وانا ارجع ذلك للعامل اللياقي للاعب ولا الومة على اول مباراة
اما عيد وبرناوي فحدث ولاحرج ضائعين تائهين وتمنيت ان النصر يلعب ناقص ولااشوفهم موجودين

مااقول الا عسى الله يزين الحال بس والا الفريق الروح مافيه روح

واتفق معك في جزئية القريني اتمنى استقالة القريني وتعيين ماجد او يوسف خميس او اي اداري يكون بحنكة سامي الجابر والا الصنيع والا طارق كيال

النصر بحاجة لوقفة صادقة من جمهورة واعضاء الشرف والادارة
لأعادة الفريق لوضعة الطبيعي

وهاردلكم مرة اخرى