[فهد الهباش]

اقتباس المشاركة الأصلية كتبت بواسطة *عاشق المستحيل* شقاوة من الطفولة في عمر الزهور كان عمري تقريبا 6 سنوات وكان الوالد مدرسا في المدرسة الابتدائية وكان يدرس طلاب المرحلة الأولى "الله يعينا عليه" يعني ديكتاتورية ما سلمنا في البيت فيلحقنا في المدرسة المهم أخذني الوالد للمدرسة عشان أشوف الطلاب والمدرسين والمدرسة (من زود الحرص) وقعد ماسكني بيدي ما فكني ( حسيتني مطلوب أمنيا ....... كلبشات يعني ) وإذا جوال الوالد يدق ( دريم دريم دريم دريم) طبعا الوالد مسوي ثقيل ( الو .... من معي ) وكان جواله احسن ما فيه انه يفقع مسامعك من قوت السماعات ( كان عنيد 4 ) لا وعاد كان يصمقني كل ما طفش استقعد على لعبة الثعبان ( يا حسرة ابيض واسود) الله قديمك نديمك وين عاده ذالحين ذالجوال اتوقع في المتحف ذكريات ما أطول عليكم كان الإتصال مهم وأنقلب وجه الوالد قمت أفكر ........... وش القضية .. وش فالوالد تغير .. انتبه ( يا المحقق كونان ) فانطلق ورماني ( الله يالدنيا غير كان خذاني معه اسبير ) رماني على مدرس الرياضه وقاله امسكه لين آآآآآآآآآآجي .. جلست مع الطلاب ( حصة رياضه ) واصمقنا ذالمدرس بالمقولة هذي .. العقل السليم في الجسم السليم .. ليتكم شفتوه الكرشه 2 متر قدام ومسوي فيه حكيم ......... بيني وبينكم ما أرتحت وخفت عالوالد قلت لابد أن أبحث عن الخيط اللي يوصلني لحل القضية ( متأثر بافلام المحقق كونان ) انطلقت وخرجت من المدرسة بدون ما يلاحظني أحد ( وشرايكم اصلح في عملية سطو بنك ) والاغراض التي كانت معي ( علبة علك باطوق .. كيس فاين .. مغاطات ) اتوقع هذي بتكفي في عملية البحث ومشيت باتجاه الشارع العام وفي الطريق مرت من أمامي سياره في اعتقادي ددسن ( وكانت في حالة يرثى لها ) كانت تنقز ( حسيتها مشاركة في الومبياد اثينا ) ولا اللون ......... فيحتاجلها اعادة تهيئة ولا صوت مكينة السيارة ( تقولون طياره مقلعة من حولك ) ويوم شافني الوالد حط النظاره عشان يتأكد (معليش خطأ مطبعي الوالد ما كان معه نظاره .... نظره 6\6) مسط ابريك حتى اني رحمت الزفلت اللي كان يمشي عليه ( حفره حفر) ونزل طبعا حسيت اني اقص لكم الحلقة الأخيرة من من مسلسل ..... المهم جاني هرولة وهو ينادي ويقول ... ولدي .. ولدي وانا في قمة الفرح ( طبعا ألتم الشمل ) وأول ما وقف عندي كنت متجهز عشان يضمني ......... اعطاني كف .. كف .. خذيت لفتين مكاني ثم شلني كأني جريدة الوطن وركبني السياره وأنا قعدت ( أعيط .. أعيط) من بعدها حلف ما عاد يخليني مع أحد المدرسين والمشكلة إنه إلا الآن وهو يعايرني بها ..... تطلع من المدرسة تدور هاه .. هاه .. هاه هذي كانت أحد المواقف ارجوا تكونوا استمتعتم معانا ...... ترقبونا في الحلقة القادمه بقلمي

ولدي ولدي ههههههههههههه
موقف طيحني من الضحك
كثر من هيك قصص انت مبدع في هذا الفن بالذات ينتظرك مستقبل

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]