من عادتي ما احب تعكير الاسماع=ابني على صوت الصراحه صراحه
روحي تحرّك خافقي خلف الاضلاع=وتعطي لتفكيري براحه براحه
زرع الوفا ورده وجوري ونعناع=والري يدفع من قراحه قراحه
وانا علىطبعي وازاحم با الاطباع=والطير ما يخذل جناحه جناحه
قالو لي ابدع قلت ياكثر الابداع=غطّا الوفا الواسع مساحه مساحه
ماهمني كثر الدعايه والاطماع=والحس ما يحرق صباحه صباحه
الوضع عادي والمبادي با الاوضاع=والحرف يرسم من نجاحه نجاحه
على الشموخ اكتب رصيدي والايداع=واصرف على شيك السماحه سماحه
اعطي سمو النفس مدهل ومرباع=والنفس يكبح من جماحه جماحه
والحظ واقف ما شراني ولا باع=موج البحر يروي ملاحه ملاحه
ويكفي هجوسي وصّلت حد الاشباع=للذوق ويساند كفاحه كفاحه
من عادتي ما احب تعكير الاسماع=ابني على صوت الصراحه صراحه

المصدر: الملتقى الجماهيري للشاعر محمد بن فطيس المري