يامدرب الصفة على الهون تكفى
انا مواصل والهوى لاعب ن فيّ
ابغيك تأذن لجل هالعين تغفى
ماذقت طعم النوم بالعين ياخيّ
الصبح عندك والمعاصير صلفى
وبالليل اسامر طيف محبوب عينيّ
اللي خذا قلبي وروحي وقفى
لا ماترك لي فالسعادات من شيّ
لا ماترك ياكود سيف ن وشلفى
سيف الغياب وشلفى جرح ن بعد نيّ
منه العروق الحمر بالحيل تلفى
تلفت من غيابة ومن عاشق الغيّ
ياما رجيته والرجى صف صفى
وقطع عن عروق الوصل رشفة الميّ
لكن يامدرب ابطلبك ترفى
وخل المسى للباقي الدايم الحيّ
بقلمي
| توقيع : رائد العصيمي |
اللهم اشرح صدري ويسر امري
اللهم انصر اخواننا المسلمين في سوريا .. اتمنى من الجميع الدعاء لهم بالتوقيع
تويتر ( رائد لمتابعة قصائدي والتواصل معي )
مدونتي (ياركني الهادي تراني نصيتك)
|
