السلام عليكم ورحمة الله وبركاته
صباحكم ومساكم عطر وعود احبابي
لتجديد التواصل معكم هذه المتواضعه وعسى ان تنال اعجاابكم
صباح الخير ياللي للغلا معنى وشكل وساس
ـــــــــــــــــــــــــــ صباح ٍ ما يليق الا بوجه الصاحب الغالي
ومساء الخير يا أغلا من غلا الدنيا ذهب وألماس
ـــــــــــــــــــــــــ تغيب وتشرق الشمس وتفاصيلك على بالي
مكانك في عيوني يالغلا من دون كل الناس
ـــــــــــــــــــــــــــ يا خيرة ما عرفته من لوادم اول وتالي
يحن القلب من دافع غرام وصادق الاحساس
ـــــــــــــــــــــــــــ وتهيأ كل شي ٍ كون وصلك ما تهيأ لي
لكن من زود حبك ما انثنيت ولا طويت اليااس
ــــــــــــــــــــــــــ عزومي بالمواصل كل يوم تقّوي أمالي
دموع الشوق تفضح والعواذل عرقها دساس
ـــــــــــــــــــــــ وانا ما همني الا حسرتي قدام عذالي
اذا اخفيت الدموع من العرب ما يختفي الهوجااس
ــــــــــــــــــــ يشوفون الخلل في عيني القشرا وفي حالي
يقولون الهروج اللي على قلبي كما المواس
ـــــــــــــــــــــ وانا لولا غلاتك ما تحمل كل الاقوالي
ترا مشكلتي ان قلبي من اللي صابني حسّاس
ــــــــــــــــــــــ وحاولت أتظاهر بالوناسه بس ما جالي
احبك حب ما يمحى ولا ينقص ولا ينقااس
ـــــــــــــــــــــ على قول المثل يا هيه بعض الحب قتالي
وسلامتكم
