[ناصر الشريف]

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
باب الغلا مصكوك في وجه الاحلام=والنوم ينهي كل عزم وعزيمه

والهم في جوفي معى ضيقتي حام=يوم الصباح اقفى وهجُر نسيمه

في كل يوم اقول قدام قدام=لين الجسد ودع صفاه ونعيمه

ارقب على الشاشات موجز خبر هام=ولا لقيت الا تفشي الجريمه

واعدي على صمت الحناجر بالاقلام=لو العواقب من وراها وخيمه

شوف الدول حكامها بعد صدام=كلا يهوز الذل قبل الهزيمه

من بعد ما كانو على الناس حكام=صارو ضحايا للنفوس السقيمه

امشي معى التعبير من عام لي عام=حتى تبنيت العنى والظليمه

موج الفتن من فوق الاقوام طمطام=ما فيه نيه في زمنا سليمه

قم واقلب اطراف اليمن واقلب الشام=تلقى الامانه والسلامه عديمه

درهم فوادي لين عيته الايام=كن الفرح مطلوب وانا غريمه

قص الزمن عمري ولي راس منضام=ارقب متى ياتي الزمان بوليمه

والموت يضرب فوق الاعمار بسهام=والشعر انا راعيه وانا نديمه
[/poem]