09-20-2011, 09:07 AM
|
|
|
كل ما تهز الضيق بيطيح رجال
دامك شكيت الحال بشكيلك الحال
مثلك كثير بذا الزمن له شكايه
عطني من علومك وبعطيك موال
صفوة تجاريب الليالي معاية
خذني سوالف ليل تحكى للاطفال
لاتغمض عيونك بنصف الحكاية
عيش ابرائة طفل ماعمره احتال
عايش حياته مايعرف الوشاية
ماحط للدنيا محاذير واغلال
الله ميسر له بطيب النواية
يمكن تلاقي لك مع الوقت مدخال
ترجع مع سنينك لخط البداية
واطرح من متونك ثقيلات الاحمال
تشرق مع الشمس المضيئة هداية
لاترمي بقوس التمني للانذال
ماكل صيد يستحق الرماية
كل ماتهز الضيق بيطيح رجال
وتطيح من كف المشاريه راية
اطرد ثقيل الياس وان جاك يختال
خل التفاءل في حياتك حماية
حرام تجرح دمعتك حبة الخال
اكيد لجروح الليالي نهاية
لشاعرها : عبد الرحمن ناهي
التصوير ..ايقاف لحظه من الزمن تبقى للأبد تغني عن كل الكلمات
|
