عيونك تضرب اعماق الحشا ضربٍ بلا توجيه=مثل كش الملك في لعبة الشطرنج وحصاره
ولكن فرق يسبق للملك في لوحته تنبيه=وانا قلبي هجومك ما تقدم يعلن انذاره
سياط الحب حراقه عوين اللي غدت تكويه=والا يا وجد من هو فارق اللي لخبط اشواره
الا يا ليت حب اهل الهوى يستاهل امشي فيه=ولكن حرفو معنى الهوا بقلوب غداره
طويت الجرح في قلبي وحبك ما قدرت اطويه=لو انه ضاربٍ جسر الغلا بسيوف بتاره
طواعين الغلا تضرب فوادي ليه ما تبريه=بنظرة عينك اللي تفصل احساسي وتياره
جنيت الهم والتعذيب وانت ايش الذي تجنيه=بعد تعذيب قلب حط حبك داخل اسواره
سرا حبك مساري الدم وش لك بالجسد تشويه=ترا قلبي معك بس الجسد لا تشعم نياره
حروف اسمك تذكرني بماضي ما قدرت امحيه=وشوفك يكسر جدار الظلام ويبعث انواره
