ياصاحبـي ماجـرى مــن يمـكـم كـافـي=ضاعـت علومـك مـن اصنـافٍ تسايـرهـا
قلـت عزومـك كثيـر وصــرت مستـافـي=مـع نـاس ماتستحـي باعـت ضمايـرهـا
تذكر سلومي معك يوم أنـت متصافـي=ماشـي تغـيـر عـلـى العليا معايرها
أجـزل مـع الجـزل واجنّب عـن الهافـي=واتــرك ديار الـــردا ودروب زايرها
أبعـد عــن الــزل واسفه كلمة الجافي= واشرب سمومٍ وسط روحي مرايرها
أفقد مكانٍ بعيدٍ خابره وافي=لا فاضت اهموم قلبي عن حوايرها
أذكره في مرقبٍ يسقى علـي طافـي=مـن قبـل (عاميـن) ...حكُـم البُـعـد جايـرهـا
فـي راس عـرقٍ ورى نجـران مشرافـي=اسـج بـه عـن غثـى الدنـيـا وسايـرهـا
امشي بوسطه على الرمضا ونا حافي=كـنـه يعـالـج حـفـا نفـسـي.. وغايـرهـا
واليوم عن مدهله ظـرف الزمـن جافـي=وعينـي علـى شوفتـه تظهر عبايـرهـا
خلـك علـى حالتـك دام انـت متكـافـي=ونـــا كـــذا حـالـتـي صــعــبٍ تـغـيـرهـا