[شامان المري]

السلام عليكم ورحمة الله وبركاته
مساكم الله بالخير
حبيت اطرح بين اياديكم
قصيده للشاعر ابن عباد السلولي
واتمنى ان تحوز على رضاكم



السنين القشر تخلف هقاوي من هقا= والدهر مركز تجارب وميدان فسيح

وش بقا ماعلمتنا التجارب وش بقا =كل يوم درس باسلوب ولسان فصيح

ياهل المعروف كل شقا باللي لقا= والحظيظ اللي من الهم قلبه مستريح

الشقاوي في زمانه يهيا للشقا = واشهد انه مايجي من المليح الا مليح

بين لحضات المفارق ولحضات اللقا =تتضح لك صورة الود بالمعنى الصريح

زبدة الخافي تبيّن ليا خض السقا =والصدور اللي بها شر يفضحها الكحيح

صحبة ماهيب تبنى على عز ونقا =اخرتها لو تطول مبانيها تطيح

لوتشوف اصحابها تو الانضاراصدقا = مثل ماقال المثل ما يصح الا الصحيح

كل صحبه تم ميثاق اهلها في التقا =الحذر منها ترى وضعها ماهو مريح

والموفق من تخير صديقه وانتقا = صاحب قلبه سليم ومنهاجه iسميح

لعنبوا من يتخذ مالرديين ارفقا = والله ان يبطي وهو من صداقتهم جريح

من بغى حاجه على منبر افوادك رقا = قص لك قصة اسماعيل والكبش الذبيح

لين ياخذ من دموعك لغاياته وقا = ثم قفا بعدها عنك وركابه طفيح

وش لقا من رافق اهل الخيانه وش لقا = واحد يمشي على ساق والثاني طريح

الخيانه شر مبدى يحاربه التقى = لاعلى ملة محمد ولادين المسيح

 

 

 

 

 

 

 

 

توقيع : شامان المري

[rplayer]http://youtu.be/5kwHAJOCP-w[/rplayer]