بيض الله وجه كل القائمين=في ادارة موقع الشعر النزيه
وكان ماتكفي فحنا اسفين=من غلاكم قد عجزنا ياوجيه
مايوقف بين عسر وبين لين=وان تعزوى بالجزايل نحتميه
ما اجتمعنا غير للعلم السمين=ما حضر من بيننا وجـهٍ كريـه
شاكرين وفالوازم حاضرين=ما نعرف ا لا نعم وانقول ايه
طيبين وفي محل الطيبين=يحتوينا الطيب وانّا نحتويه
منتدى جآمع لكل الغانمين=مآتحسّف واحدً موجود فيه
أسأل المعبود رب العالمين=يحفظ الموقع وكل اللي يجيه
وينصره للحق في دنيا ودين=ويرفع اسم اللي لجزله نرتجيه
محمد الغالي حبيب المعجبين=محمد ابن فطيس لا ماله شبيه
يستحق المدح والمعنى الثمين =من قصيده كل ساعه نشتهيه
جامع البدوآن ..والمتحضرين =مرضي الاذواق شعره ُكلبيه
كل نص(ن) له يسر الناظرين=تاتي ابياته على ماحن نبيه
في مكان العـز والمتبصرين=يقطف اثماره وفكره يجتنيه
ماوصفنآ وإن وصفنآ عاجزين=وآرث الجزلات من جده وابيـه
له قصيدٍ جايزٍ للعاشقين=وله بعد من سَمعه الله يهديه
وله قصيدٍ لو يمر السامعين=يفطنه ياكود رجالٍ نبيه
كل ابوكم ياجماعه مبدعــين=ومنتدانـا ..كل نادر يقتنــيه
بالوفا والطيب دايم نستعين=من لفانا مرحبا به نشتريه
هكــذا نبقى على مَر السنين=ما يجي من بيننا هزل وسفيه
من يدينا(باقه) لذرب اليمين=ياقوافي الشعر قومي عايديه
وإستمدي مننا شوق وحنين=وأظهري ماكان جوفش يحتويه
المشاعر بين قلب وبين عين=والمحبة كلها مابين يديه
والغلا سرّه بموقعنآ دفين=مآنبيعه بالريال وبالجنيه
اقطعوا الشك ابسكاكين اليقين=من رحل عن صرح شاعرنا يتيه
وفي مكان العز والمتبصرين =نجتمع في موقع الشعر النزيه