السلام عليكم ورحمة الله
رواد هذا الصرح الشامخ كم احب ان اكون بينكم في ملتقى الشاعر الكبير محمد بن فطيس
وهذه مشاركة أولى ويارب تنال ولو القليل من القبول
ياصادق الكلمة كلامك تغيّر=ماعاد ابا منك العذر.. بس عوّد
شموخ صرح الشوق لك ياصغيّر=يكبر بذاتي كلما البعد زوّد
ياتل كبدي بعد وقت العصيّر=لاداج دنياها الظلام و تحوّد
نار الهجر تحرق حشاها المسيّر=ماهو مخير في هواكم تعوّد
يومه نصاني داخل الروح سيّر=طيفك حبيبي ...لاسما الليل سوّد
ولامن رحل تاه الخفوق المحيّر=وعقَّل جماله.... في خيالك تجوّد
ضامي لعدك غيركم ما تخيّر =ومن زادكم ليته قليل تزوّد
عزي لحالي بَعدُكُم يا نويّر =جعل الزمان الي خذاكم يعوّد
قد قلت لك صرحك بني ياصغيّر=يكبر ونا اذبل كلما البعد زوّد
