[أمير الشريف]

ياطهر حروف الشوق يامنظومة العشق العفيف
ياجمل قوافي الود يامعنى المحبه والوله

اتمثلي مادام له خاطر عليش ابن الشريف
واسترسلي مثل العوايد كل يوم مجمله

نبغى الورق من جور حملش في الورق ينزف نزيف
لجل ارسم الصوره حسب مقياس راس المنقله

للي ليا ضاقت عليه الواسعه ما قال كيف
اللي يجمل في المواقف والعرب ماتجهله

ياصاحبي خذ لك تحيه ساسها قلبٍ شريف
وانت استلمها وانت داري يالشلي بالقبيله

الذيب لامنه وقف واشتد والموقف عنيف
يحق نرسل له تحية شوق غير مجلجله

ياصاحبي لا زاد حملك فابشر ان حملك خفيف
وان جارت ايامك فانا لك يارفيقي وازهله

واللي خلق نجم الجدي من دون كذب ودون زيف
لا ابقى لكم مثل الجمل لا الوقت بابه قفله

ابشر ترى اللي راسلك وقت العنا خنجر وسيف
ازهم وانا لك يالشلي واللي تقوله نفعله

 

 

 

 

 

 

 

 

توقيع : أمير الشريف

سبحان الله وبحمده سبحان الله العظيم إجعل قلبك يخفق بها