[ساره العنزي]

الخل غايب وبحلى النوم ياتي
يحسب على باله يعوضني باحلام

ماعاد لي شفٍ عليه بسباتي
يكفي سهر يكفي توهم واوهام

راح العمر وشتاي بليا عباتي
والصيف مزنِه ماسقاني ولاعام

ياغايبٍ ارجوك جمع شتاتي
واحكم على الحظ الردي حكم الاعدام

ودي اضمك لين تفنى حياتي
وبانفاسك احيا مابقى لي من ايام

وبشفاتك اشفي علةٍ في شفاتي
وبرموشك اطعن كل عاذل ونمام

تعال خل العين تقدر تباتي
بالعين دمعه تحرم العين ماتنام

اصبحت من بعدك رفيقٍ لاهاتي
وامسى سكون الليل عبره لمن هام

اوفيت لك.طبع الوفا من صفاتي
وما عشت مع غيرك حياةٍ بها هيام

واسكنتك بطاري تعمق بذاتي
يوم الهوى فيني توطّن من اعوام

اقبل ترى بالعشق عرقٍ ماماتي
والا اعتبر مابيننا اضغاث احلام

من روائع الشاعر بيان الذكري
راقت لي واتمنى ان تروق لكم
ياعشاااااااااااااااااااااق