السلام عليكم ورحمة الله وبركاته
هذي قصيده جديده من قصائدي اتمنى ان تنال الاعجاب
واللتي هي من البحر المسحوب على تفعيلت :
مستفعل مستفعلن فاعلاتن = مستفعلن مستفعلن فاعلاتن
او :
عولن مفاعيلن فعولن فعولن = عولن مفاعيلن فعولن فعولن
اقول :
العذر في بعض المواقف جريمه = وبعض الخطا ماهي تداويه الاعذار
ان جيتني ابشر بعز وغنيمه = وان رحت ابنفض عن قفا ثوبي غبار
ما الحق ورا المقفي ولي الحشيمه = طبعي كذا حرن مربينه احرار
صيده جزل ماصاد صيده سقيمه = ولا خابت الدنيا تقفا لها وطار
كانك تقول ان العواقب سليمه = كلك خطا واعطيك تقرير الافكار
ان جت حليمه او بدلها حليمه = يعني ترا غيرك مزايينن كثار
صدتك هذي عاقبتها وخيمه = الحق على عمرك قبل شي ماصار
مابي معاذيرك وصولك غنيمه = لن الخطايا ماتداوا بالاعذار
وسلامتكم ...
