ادري تتابعني بكل المحطات
وتشوف اخباري على مدوناتي
بسكات تدخلها وتطلع على سكات
ولاتكلم حرف يجمع شتاتي
اتابع حضورك واغني هالابيات
لعلك ترد الوصل ياغناتي
الا ياليتك مثل وقت البدايات
تهابني وترجي هواي ورضاتي
والحين لاوالله تغيرت ثم فات
فات العذر والوصل والحب فاتي
لكن قبل لا اقفل ابسألك لحظات
وابغى جوابك قبل اهل إعبراتي
الحب باقي حي عندك ولامات
والا مع الايام روّح وماتي
بقلمي
| توقيع : رائد العصيمي |
اللهم اشرح صدري ويسر امري
اللهم انصر اخواننا المسلمين في سوريا .. اتمنى من الجميع الدعاء لهم بالتوقيع
تويتر ( رائد لمتابعة قصائدي والتواصل معي )
مدونتي (ياركني الهادي تراني نصيتك)
|
