[سمـ المراجل ـو]

بعدك ياترفه ماعرفتي غرامي

ولاعرفتي من انا او من اكون

داري ماهم الي سواتك كلامي

وماني بعينك سوا شخص مجنون

لاكن ضروري تعرفي وش مقامي

والفرق بيني وبين منهم يحبون

حتى اذا في يوم عفت المنامي

وجيت اشتكي لك ضايق الصدر مغبون

تدرين باني شخص صادق وسامي

وان كلمتي ماتقبل اشكوك وضنون

وان كان قلتي ليه بقول يامــي

وان قلتي وش يعني بعلمك وشلون

يا آنسه حن غير كل الانامي

هرج صحيح وقولوا الي تقولون

حنا اذا احببنا ذوات اللثامي

فكل الصعايب لجلهم والله تهون

نحب لاخرمرحله في الهيامي

ونموت لجل احبابنا لجل يبقون

واكبر دليل اسمي براس الاسامي

عاشق ولاكن هل بقى من يحسون

حبيت في وقت غشاه الظلامي

وضحيب بإحساسي لناس يخونون

وعطيت حب الغيد كل اهتمامي

ولا لقيت الا تجاريح وطعون

هم مادروا اني نسل قوم كرامي

ام لم يعد للحب داعي بذا الكون

فالحب يالترفه نهاية مرامي

وعرشي به اكبر شان من عرش فرعون

بحب حتى لوخفوقي يضامي

وبوفي ولوماعاد به ناس يوفون

وبعشق وبغلي لين تدفن اعظامي

وبحن لو من الأوادم يحنون

وبهيم لو قلبي من الهجر ظامي

وبشتاق لين أحباب قلبي يلينون

وان كان للمولا صلاة وصيامي

للحب انا حصلت ناس يصلون

 

 

 

 

 

 

 

 

توقيع : سمـ المراجل ـو

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]