|
مجاراة الله ياشين الفلسفه والكلافه
بسم الله الرحمن الرحيم
السلام عليكم يالله حي كلٍ بإسمه هذاه الأبيات مجاره لقصيدةٍ كتبها الشاعر والمشرف فهد الهباش تحت عنوان الله يشين الفلسفه والكلافه صحيح اني لاقارن نفسي بالشاعر فهد وقد ينتقدني البعض بحجة اني ربما اكون في القايمه التي رمزلها الشاعر ولكن طالما تواجدنا في ملتقى جماهير الشاعر محمد ابن فطيس المري فاذالك يظمن لنا حرية الراي والمشاركه بالراي واذا حصل قصور فا أنتو كرام والكرام عن الخطايا يصفحون محلاك ياقاف منظم ومرسوم.~~~~~~~قافن من*الهباش جابه وضافه عساه يسلم راعي القاف ويدوم ~~~~اللي نهج بالطيب منهج اسلافه الا عداك اللوم تكرم من اللوم~~~~~~~~~يامشرف الشعار نعم الشرافه فتحت باباً حط في كبدي وسوم~~_~~وزعلت شعار الهزل والسخافه استاذنك عندي ساوليف وعلوم~~~ابغى إلحق الطابور قبل انصرافه* بلاك من صيتن مفبرك ومزعوم~~~~~~~~~_متسيدٍ بالفبركه والخرافه واصبح على الساحه معزز ومحشوم~~~كل منبرٍ عبر الاثير استضافه وكم شاعرٍ من ساحة الشعر ملطوم~~محداًسمع صوته والا يوم شافه وان صار له فرصه غشى شمسه غيوم~~ضيع وضاعت كلمته بالكثافة اصل القب من قبل مبداه محسوم~~~~ماصار عاشر كيف عاد الوصافه وانا ادري ان الناس معطاء ومحرو~~م~~وكلن كتابه ينعرف من غلافه واذا تبون الصدق فالوضع مزحوم~~~~~بين انعدام الذوق وازمة ثقافه والا اقول يعني من الذنب معصوم~~~عندي على ماقيل بعض العرافه وجهة نظر من شاعرٍ عنده حلوم~~~~~~~توه جديد والا تعدى الضيافه |
رد: مجاراة الله ياشين الفلسفه والكلافه
صح لسانك
مجاراة وافية من شاعر وافي لشاعر وافي بيّض الله وجهك |
رد: مجاراة الله ياشين الفلسفه والكلافه
اخوي سعيد صح لسانك حتى ترضى
وانا اشارك بهذين البيتين فقط الشعر له تيجان واسعار ورقوم والرقم الاول لا تمنا جفافه ما دام ترقيمي على القوم معلوم لا حد يطمن حس والا يخافه شف صيت ناصر بين مجموعة نجوم لنه وضع لابيات شعره خرافه والله لا يهينك يا سعيد ثانيتا شاعر جميل تقبل تحياتي وخالص تقديري |
رد: مجاراة الله ياشين الفلسفه والكلافه
صح لسانك مجاراة وافية من شاعر وافي لشاعر وافي بيّض الله وجيهكم ... |
رد: مجاراة الله ياشين الفلسفه والكلافه
اقتباس:
هو المكسب لاعدمتك صح بدنك ومشكورولاهنت |
رد: مجاراة الله ياشين الفلسفه والكلافه
اقتباس:
اقتباس:
صح بدنك وافي والا انت بهافي وكل بيت قلته عن عشره لاعدمتك مشكور على الحضور والتشجيع والكلام زلطيب لاهنت |
رد: مجاراة الله ياشين الفلسفه والكلافه
اعتذر للإخوان الاعزاء لعدم الرد عن طريق اقتباس
النص لحيث انه حصل مشكله بالنت وانا استخدم جوال ايفون والجهاز بعيد عني وخبص الردود في بعض وارجو من المشرفين ايجاد حل للمشكله اوحذف الردود المكرره وجب التنويه الشاعر راىد العصيمي ماعليك زود وصح بدنكوشكراًلحضورك الموقر ولاهنت الشاعر ناصر الشريف صح لسانك قبل صح بدنك كل بيت منك عن عشره مشكور على الحضور والنشاركه وافي والا انت بهافي ولاهنت الشاعر فالح ابن مسلط تسلم وتدوم على الحضور الطيب وصح بدنك ولاهنت |
رد: مجاراة الله ياشين الفلسفه والكلافه
صح السانك يا ابو محمد مجارات قمه
تشكر عليها تحياي وشكري :) هع |
رد: مجاراة الله ياشين الفلسفه والكلافه
أخوي الغالي وابن العم ، سعيد...
مرحبا بالشعر واأهله ، وأنت أهل له، شرفتني بالمجآراة ، وأنت من أهل الشرف دوم ، أفخر دوم بخوتك ومعرفتك في هذا المنتدى ، لأن معرفة الرجآل شرواك تجآرة ، لآهان حسك ونبضك وقآفك يالخوي ، أبدعت أيم إبدآع وأقنعت أيم أقنآع ، فحق لي الفخر بأن أبياتي هي ما تم مجآرآتها من قبل شآعر مميز وأخ صآدق، دمت مكسب لنآ يآ ابن العم ، وبيض الله وجيه أهل الردود ، وأخص بالذكر اخوي رائد ، وأقول الوفاء عنوانك يالخوي، تستاهل التقييم اخوي سعيد ومن قبله التحية والثناء والشكر والتقدير، تقبل ود أخوك: فـــهـــد، |
رد: مجاراة الله ياشين الفلسفه والكلافه
صح لسانك يالجزل وصح لسان مشرفنا فهد الذي يعتبر
من روافد الجزالة في هذا الصرح ونص ينضح بكل ماهو جميل من معاني وسرد وجزالة تحياتي |
| الساعة الآن 06:06 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
