الملتقى الجماهيري للشاعر محمد بن فطيس المري - الاياوجود للشاعر حمد بن فطيس

- منتدى المواضيع المكرره (http://www.m-f6es.com/vb/forumdisplay.php?f=43)

- - الاياوجود للشاعر حمد بن فطيس (http://www.m-f6es.com/vb/showthread.php?t=99)

الاياوجود للشاعر حمد بن فطيس

الا ياوجودي وجد مـن فاجـأه ديّـان
برغم اعتزال الناس من كثـرة اديونـه

بعد ما فضى جيبه وكفه وحالـه شـان
تناسـوه ربعـه كنهّـم مـا يعرفونـه

تناسوا مواقيفـه ولا كـن شـيٍ كـان
على غير ما ترضى الكرامـه يحدونـه

وهو كان منقع طيب منهل وفا واحسان
فلاشـك عّـوان الزمـان ايتحـدونـه

رفع كفه الخالي الي الخالق الرحمـان
عقب ما تصافوا كلهم ظلم مـن دونـه

سريع الفرج كافل برزقه جميع انسـان
قبل طلبته واعطاه ما خيّـب اضنونـه

على اللي سلب عقلي بسلهامة الاعيان
على العهد لو تبعد نحاياه مـا اخونـه

الى جيت باادله من خياله بعض الاحيان
يذكرّني القمري على الغصـن بلحونـه

يذكرّني القـد المخصّـر وهـو مليـان
تعزّال رسلانٍ علـى الضـو مركونـه

يتيم الوصوف وليّن العود غصن البـان
جميـل المحيـا والحجاجيـن مقرونـه

الى اوما بليل امجدله من على الامتـان
تخيّلـت كـن الليـل ممسـاه بمتونـه

والى طاح واسترسل وبانت لي الاوجان
تخيّلت نور الصبح وان الشفـق دونـه

لها بنّـة العطّـار واحكايـة المرجـان
مع اللول والرمّان كـن البـررد لونـه

معا ذا ..ولولا الميز باقول بنت افـلان
على شان مثلـي لاعشقهـا تعذرونـه