|
اشعل انتاجاته
قال من عنى تعابيره وحث ابياته=ياسلام الله على اللي يستمع والقاري كل شاعر له معاني تبرز ابداعاته=وكل معنى له من الابعاد نور اجباري والذي ينشي جمال الحرف صعب سكاته=ينثر ابياته الى منه طراله طاري سلهمي يا راية المجد المريع شتاته=وارتعي يا قمة العزالمشع الضاري دام لك شاعر يسطر معظم انجازاته=من بنات افكاره يشاديبها ويماري بس لحظه دام للحب العفيف اوقاته=ويش اقول لمن غدا قلبي لها مضماري سادت الوجدان بالرمش الذي نظراته=يهزم جيوش المغول ويهزم التاتاري راشني سهم اللواحظ واغرست حرباته=في صميم القلب وانا في هواها جاري لو يبوح القلب وعروقي تجر اصواته=كان شب بسلك شرياني الشعاع الناري بس ابا اكتم ما جرا واتحفظ ببسماته=لجل اداوي وحدتي واسامر السماري خوف لا يدريبها العذال والشماته=ما حد ٍ يعرف غلاها غير ربي الباري يوم ياتي ذكرها قلبي يغت اهاته=واجعل اني بين خلق الله ماني داري هي منار الكون هي نجمه وهي مشكاته=نورها مصباح في جوف الزجاجه ساري داوت القلب العطيب وزودت دقاته=وانذرت فالقلب عفتها بليا ذاري قلبي اللي كل يوم تقابله صكاته=تنفصل دقات عمره والهوى به جاري كون الابداع شعره واشعل انتاجاته=لين لامس فكر مستشعر وصمت القاري |
رد: اشعل انتاجاته
الله الله ...
ناصر ،،، صح الله لسااانك ... وبيض الله وجهك ... ولاهنت . |
رد: اشعل انتاجاته
الله الله يا ابو حسين شاعر لاياتي الا بما يروي الذائقه
صح الله السانك مدد بلا عدد جزل ولاهي غريبه عليك النصوص الشامخه دمت بخير |
رد: اشعل انتاجاته
ماشاء الله مافيك حيله
صح لسانك ابدعت اخي فيما اوردت تقبل مروري |
رد: اشعل انتاجاته
صـــــــــــح لسانك يا ناصر
|
رد: اشعل انتاجاته
صح لسانك على الحضور المميز
والله لايهينك على الجزلة واهنيك على حبك العفيف واستطرادك الاروع دمت بخير |
رد: اشعل انتاجاته
ناصر الشريف
الله الله عليك وصح الله السانك مبدع كالعاده ومو غريب عليك الابداع جزله من جزاله راعيها ودي وتقديري |
رد: اشعل انتاجاته
اقتباس:
وبيض الله وجهك ولا هنت على المرور تقبل تحياتي وخالص تقديري |
| الساعة الآن 10:07 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
