دكتور العيون
 

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] (يامؤمن الريفي )انا جيتك زبون=جيتك على مدح اكثر الناس وعنيت

جيت وتعالى الله عمّا يشركون=لولاه (يامؤمن) لطبك ما اهتديت

راضي بحكم الله علي مهما يكون=عالج عيوني لو بعد طبك عميت

ودي اخاشر فالبصر من يبصرون=واشوف دربي لا سرحت ولا ضويت

والى قنصت اثبت مع اللي يثبتون=واشوف طيري كل ما اوميت ودعيت

ياااكثر ما يضرب خويي (الطابلون)= من كثر ما اكلّته مطباات وكليت

وودي اشوف اللي علي يعرضون=وبعض الليالي ودي اسري دون ليت

وااشوف ناس ٍ فالقفا ما يرحمون=اما وقفت لصاحبي والا مشيت

من دون نظاره ولا هم يحزنون=يااا كثر ما كسّرت كشمات وشريت

لكنٌ يا دكتّور جعلك ما تهون=ابغيك كلمت راس دامك ما بديت

اسمع......ولا ابغي اللي وزانك يسمعون=ربي كتب يكشف لك اسراري وجيت

صورة عديل الروح عندك فالعيون=واخاف تقطعها بموسك ما وعيت

ولا عليك امر..اطوها تحت الجفون=وعقبه لو تقطع عيوني ما شكيت

هي راس مالي والعرب ما يدركون=اني على باب الممات و ما حكيت

ياقو قلبي يوم قفن الضعون=اللي على ذاك الموادع ما بكيت

ويا صبر صبري والعواذل يحسبون=اني دلهت من الهوى والا سليت

اسكت عساهم من سكاتي يسكتون=وانا عن اللي في ضميري ما انتهيت

وادور الفرحه مع اللي يسهرون=وان ذكروني خذت فنجال وسريت

اخذت من وقتك يا دكتـور العيـون=عالج عيوني لو بعد طبك عميت

واستر علي واللي معك لا يفطنون=انت الوحيد اللي بعد ربي دريت
[/poem]


محمد بن حمد

رد: دكتور العيون
 

رد: دكتور العيون
 

.
.
صح الله ألسان أبو حمد
قصيييدة ٍ جزلة و رايقه لـ أبعد الحدود .

لاهنت أبووي ,, :)

رد: دكتور العيون
 

رد: دكتور العيون
 

9aa7 elsaaan el shaa3r
o ma ga9artooo

رد: دكتور العيون
 

الله الله .... قصيده روعه .... صح لسان شاعرنا ... والله يوفقه

لاهنت ع كتابت القصيده ... واصل ابداعك ... تقبل مروري

رد: دكتور العيون
 

قصيده ما عليها كلام

وترى رحت لعياده مؤمن الريفي في البحرين ...

وحصلت القصيده مكتوبه ع مراايه .شكل ابن فطيس كتبها واهداها له !!!!

يمااال العافيه ع القصيده

رد: دكتور العيون
 

رد: دكتور العيون
 

صصورة عديل الروح عندك فالعيون ، واخاف تقطعها بموسك ماوعيت


انشهد انه اسسسطوورة

صصح لسسآنه ، ولاهنت ع النقل

رد: دكتور العيون