الملتقى الجماهيري للشاعر محمد بن فطيس المري - يقولون الخوي : رجل تجيه بسآعة الشدآت

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - يقولون الخوي : رجل تجيه بسآعة الشدآت (http://www.m-f6es.com/vb/showthread.php?t=9000)

يقولون الخوي : رجل تجيه بسآعة الشدآت

..

يقولون الخوي : رجلٍ تجيـه بساعـة الشـدات
وانا اقول الخوي : رجلٍ الى من ضـاق ماجانـي

لانـه خابـرٍ عسـر القوافـي يجبـر الابيـات
لذلك يحسـب حسـاب المعانـي يـوم ينخانـي

خويٍ مادرى .. يسكت ويفهمها .. على ماجـات
وخويٍ لو درى .. يمكن بيلعـن جـد شيطانـي

وخويٍ شايف ويدري .. ولاهو مـدّور الـزلات
وخويٍ مايبي يـدري .. ولاأدري ليـه عادانـي

ويقولون الزمان اللي تغيّـر .. ماهـي العـادات
وانا اقول : الزمن هذا .. خـذا ربعـي وخلانـي

مـع اللـذات بالدنيـا .. تطبـع حبهـم للـذات
تغير كـل مفهـوم الحيـاة ... لجيـب مليانـي

زمن يرفع ثمن حتى الكفن مـن كثـرة الأمـوات
قريباً ... نسمع بموضة ( كفن للموت افغانـي )

عشان آدم غلط يعني !! نتساهل بـ كثر الغلطات
بـدى يخطـي البنـي آدم بحجـة آدم الجـاني

محد يذكر أحد بالخير ... غصب الآدمي .. لامات
تشوف الخلق يطرونه ... مع انّه مات وحدانـي

بعض هالناس .. ماتسمع طلال .. وماتجي حفلات
وبعد مامات .. كـلٍ قـال : ياخـي كـان فنانـي

اجل لو مات ( ابو لفه) ( عويد) راعي الكسرات
تصير الناس تتسمع : ( علام الـواد جافانـي )

زمان المهزله .. قلـي : وش مخبّيلنـا عاهات
دخيلك بس لا يطلع .. بعد شارون : ( فدعاني )