مهرب له زيود
 

بسم الله

السلام عليكم
للتواصل معكم


ماحلى اللي كل مــازدته يزود.....لا عـطا له درب كـنك شــايته
ان عطيتلك وعـــر ولا نفود ..... يوصـل اللي مشتريــه لغـايته
راكـبه قــنـاص ولا راع ذود...... بـينين من الـعـرب شـرايته
لا وقف يشبه لفهد من الفهود .... بايت(ن) جيـعان ليله فايــــته
شاف له ضبي (ن) على الريحه شرود... لا لمح لـه شي عجل اقفــايته
وان مشى كنه كما حر مهدود ... يمــتع اللي يسـبرون ادلايـــته
لحقوا به عقب شيهان(ن) جرود... اتعبه خـرب(ن) ونكــس رايته
شاص(ن)اقطم ضبطه ولد اليهود ... اشهد انه مبـــدع(ن) فسوايته
مثله اللي صرف لسـلاح الحدود ..... عــوق من جــاهم بنيه بايته
لاتعداهم مـهرب لــه زيــود ..... وحاذف(ن)صفق الهواء بمرايته
ثم ركبوا به اثنــين من الجنود .... سـايقه وبـواردي لرمــايتــه
زود مشي الشاص للمقفى جحود .... كـنه اقبل عـقب بعد قــفايته
وكن صوته لاهمزته صوت عود ..... صوت شيخ(ن)قاصـره في قرايته
في تـــوال اللـيل والعالم رقود .... يــــعبد الرحمن قـبل نهايته
والعلامه وردة(ن) في راس عود .... وسط شبك(ن)للملك بحــمايته
ويش ابا اوصف ويش اخلي فالصمود.... الاكـيد انه لــداي اشفايته
عاشقه شخص(ن )من الوقت محدود ..... حظه التعبان زاد اجــفايته
وبامر ربي كـل شي(ن) مايـكود ..... القـوي المقـتدر وبشـايته
لاأركبه حلال طـبعا(ن) بالنقود ...... حـينها عمري بدآ فبـدايته
قاله اللي له على قـوله شهود ..... مخــتصر فبيوت كـل حكايته

وسلامتكم

رد: مهرب له زيود
 

ماشاء الله
صح لسانك تركي
وكـ عادتك مبدع
الله يحفظك يارب

رد: مهرب له زيود
 

صح لسانك

وصف كافي شافي

يعطيك الف عافيه

وفالك الشاص الجديد

رد: مهرب له زيود
 

صح لسانك ياتركي .. شاعر لك ذو شخصيه وهامه شعريه راقيه

لله درك يالقرم ولا حرمنا هالجزل من قصيدك

عودتنا بالفرايد لاحرمنا نبض حرفك

تقبل مروري واعجابي بما تملكه

ولا خلا ولا عدم

أخوك
ابو مشاري

رد: مهرب له زيود
 

صح لسانك يالغالي وصف دقيق ماشاء الله عليك

رد: مهرب له زيود
 

وعليك السلام ويسلم هالبوح
وصح لسانك حتى ترضى يا تركي
لاهنت وبيض الله وجهك
ننتظر جديدك بكل شوق

رد: مهرب له زيود
 

تركي صنهات
الله الله عليك وصح الله السانك وكما عرفناك مبدع ياتركي
ودي وتقديري

رد: مهرب له زيود
 

لا وقف يشبه لفهد من الفهود .... بايت(ن) جيـعان ليله فايــــته
شاف له ضبي (ن) على الريحه شرود... لا لمح لـه شي عجل اقفــايته
وان مشى كنه كما حر مهدود ... يمــتع اللي يسـبرون ادلايـــته
لحقوا به عقب شيهان(ن) جرود... اتعبه خـرب(ن) ونكــس رايته

الاخ تركي
ابدعت واذهلت
وصف جميل جدا
وفيت وكفيت
تقبل مروري وتقييمي
شكرا




تحياتي

رد: مهرب له زيود
 

رد: مهرب له زيود
 

صح لسااانك أخوي تركي .....

شاعر وقصيده مميزه ..


وفالك شاص ..............>>قرنبع ..

أمزح ........تقبل ودي