ياروح روحي غلاي وسيد خلانـي=أبطيت عن صاحبك والحال هديتـه
طول غيابك ونار الشوق تصلانـي=والصبر في غيبتك طـوّل ومليتـه
أقفيت عني وقفّت معـك الأعيانـي=على وداعك غزيـر الدمـع هليتـه
فرقاك عني دقيقـه شـل وجدانـي=شفنـي أقـاوم غيابـك ماتقاويتـه
لاتقول غيري كثير يجـوز نسيانـي=والله لتبطـي وحبـك ماتناسيـتـه
أدمنت حبك وخوفي ياصـل جنانـي=ماباقـي إلا الجنـان ولاتعديـتـه
لك منزلن داخلي ياعالـي الشانـي=وريح العواذل عليه ولانهـدم بيتـه
الوصل غاية ولاجاز لـك حرمانـي=شرع الهوى حلله وانتـه تناهيتـه
مد الوصل يكفي اللي منك ماجانـي=لاتقطع الوصل عنـي يـوم مديتـه
ياكود يسق العروق يبـل شريانـي=يطفي لهيباً بجوف الصـدر شبيتـه
أضحك على حال غيري والله أشقاني=واليوم من ضحكتي بالهم خاويتـه
أثر الهوى سلعةً والروح الأثمانـي=مسكين يامن لسوقه طـوع طبيتـه
حسبي عليه الهوى وشلون عنانـي=وأنـا منـول قويـاً ليـن عاديتـه

أثر الهوى سلعةً والـروح الأثمانـي
مسكين يامن لسوقه طـوع طبيتـه

حسبي عليه الهوى وشلـون عنانـي
وأنـا منـول قويـاً ليـن عاديتـه