الملتقى الجماهيري للشاعر محمد بن فطيس المري

[img2]http://files.shabab.ps/vb/images_cash/uploads/080130171519G0js.jpg[/img2]

اللي .. تضايق باله .. ومـا سألتـوه
إليـا تضايـق بالكـم .. لاتجونـه !!
ماهو بناقص .. لابيكتـوا ..وجيتـوه
وبأفراحكم دايم .. تعيشون .. دونه
مادامكم .. في عز ضيقه .. تركتـوه
ماهمّكم .. لو كان .. تضحك سنونه
خلوه يبعد .. فـي حياتـه .. وخلـوه
يموت ضيقه .. دام .. ما تسألونـه
هو ظنّكم .. لاغاب فتـرة .. فقدتـوه
ياللأسف .. خيّب قساكم .. ظنونـه
ماكان .. يذخر شي .. لامـن بغيتـوه
والحين .. حتى دمعكم .. تخذرونـه
بكيفكـم .. إليـا بغيتـو .. سمعتـوه
وإن مابغيتو .. شي .. ما تسمعونه
شالفايدة .. لامات بكـرة .. ذكرتـوه
وهو معاكم .. حيّ .. ما تذكرونـه
يعني .. ليامن مات .. هم .. وبكيتـوه
بدموعكم .. بيحس .. وترجعونه ؟ !!
خلوه .. ياخذ ضيقته حيـل .. ويتـوه
وإن طوّل الغيبـات .. لا تفقدونـه
هو .. مستحي .. قدامكم .. لا سألتوه
وهوّ ، يمسّح دمعته مـن عيونـه !!