|
فريج صويلح
السلام عليكم ورحمة الله وبركاته مصافحة جديده اتمنى ان تلاقي استحسانكم كنت قبل فتره بالكويت وبالتحديد في مطعم فريج صويلح ياديرتن غطّت على كل ديره=عشقتها وامشي لها واتقدّا عشقتها من شوفتي للاميره=في ساعتن رحت الفريج اتغدّا كل الاوادم حولها مستديره=ومحدن يبيها عن عيونه تعدّا عنقا غنوجه تستلذك صغيره=مزيونتن سدت على الكل سدّا اعيونها مثل السيوف الشطيره=وحمر الشفايف هدّت القلب هدّا والا الردايف لعنبوها خطيره=ضنّي على كيم وجنيفر تصدّا وباقي الوصوف الكايدات الاسيره=عز الله ان قلبي لها ما استعدّا والا عيوني من سببها سهيره=واشوف حالي كل يومن تردّا بالله ياللي حالتك مستنيره=وين العلاج اللي عليه اتبدّا وسلامتكم بونواف التميمي |
رد: فريج صويلح
صح لسانك يا ابو نواف
احبهم من حب راعي غنمهم هههههههه تسلم يمناك |
رد: فريج صويلح
ذبحنك الكويتيات يابو نواف .. اجل مالك الا الصبر وش وداك له خخخخخخخخخ
صح لسسسسسانك شاعر مميز يابو نواف لاهنت لاهنت |
رد: فريج صويلح
ابو نواف التميمي
صح لسانك والله يعطيك العافيه من طول الغيبات جاب الغنايم وانت جيت وجبت السمين تحياتي وخالص تقديري |
رد: فريج صويلح
مزيونتن سدت على الكـل سـدّا ي سسسسسلآم ض7 أبو نواف نـص خرافي بجــد ,, صح لسـآآنك ملآيين وعلى قولتهم "ولا لك الا الصبـر ... ض36 سجل إعجابي |
رد: فريج صويلح
صح لسآنك ي بو نواف
ابدعت بالوصف شكلك مرووق على شوربه العدس حقتهم هههههههه اطنخ تقييم ,,تحيآآآآتي . |
رد: فريج صويلح
صح الله لسانك يا ابو نواف
وصف جمالي لا يوصف ابدعت في التصوير والاسترسال في القصيده لا هنت يالغالي وبانتظار القاادم بشغف |
رد: فريج صويلح
ياسلام يابو نواف
والله الحل صعب مير الشكوى لله حنا ابتلشنا في بناتنا هنا يالله ياكافي وش عاد بنات الكويت صح لسانك ولاهنت على النص الرائع |
رد: فريج صويلح
راق لي مانظم هنا
صح لسانك مدد بلا عدد |
رد: فريج صويلح
^_^
نص رائع كـ روعه حضورك ابدعت في تصوير كلاماتك ربي يعطيك الف عافيه ننتظر جديدك بكل شغف والله يصبرك ^_^ |
| الساعة الآن 11:20 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
