|
أول مصااافحه
صدق الغلا مقتنع فالوقت وعرف مفاهيم الغرام ولاتعدا حدود ديني ولاحدود السلوم ودرين العمر ..مره وقافيه المنام غفوتن مالي بعدها من الايام يوم جعلنا في جنة الخلد وكفوف السلام برحمت اللي لأمة الدين غفارن رحوم والله أنٌا نعرف العيب ونعرف الملام ونك تشومين عنها وأنامثلك اشوم والغلا لوساق غيري وغيرك للحرام والله لــ \ يتعب ويبطي ماحنا له رخوم يمكن أنٌا نشري البعد لعيون الكلام لالحقنا ياحبيبي من أهل اللوم لوم المهم محد يتشمتْبنَا بين الانااام ولايسوون الضعاايف علينا من العلوم ننكسر(بيني وبينك) مثل كسر العظام وفي عيون الناس ناقف مثل روس الرجوم الغلا والحب فينا على عز ومقام مابنينا سمك عرشه على صبخا الحلوم أنتلاقينا بحشمه .. ولن رحنا حشام ولن تعبنا ماشكينا على الناس الهموم لوسهرنا كل ليله على جنح الضلام أنتحرى نجمة الصبح ونعد النجوم صدقنا أكبر من غلانا وجل من الخصام والوفاء فينا يقوي عزايمنا عزوم لويقل الوصل فينا ماقل الاحترام ونتمادى الوصل حنا نقف عند السلوم المزايا في غلانا مثل بدر التمام والعيوب الكل منا على الثاني كتوم |
رد: أول مصااافحه
آلعزيزي
صح آلله آلسآنك يَ خيي أبدعت , عسآك ع القوة :) أحترآمي |
رد: أول مصااافحه
مصافحه اولى مشرفه يالمطيري
يامرحبا فيك وانت خير من يمثل المطران صح لسانك وفالك التوفيق |
رد: أول مصااافحه
لويقل الوصل فينا ماقل الاحترام ونتمادى الوصل حنا نقف عند السلوم المزايا في غلانا مثل بدر التمام والعيوب الكل منا على الثاني كتوم الله عليك كلمات روعه :: في معنى الكلمه تشكر عليهاا ياعيد ننتظر .. منك المزيد تحياي وشكري يالغالي :) |
رد: أول مصااافحه
يعطيك العافيه ياعيد .. شاعر وألفاظ النص وصوره الشعريه هي الدليل ..
ولكن لدي ملاحظه وهي ان بعض الابيات مكسوره وانا احس انها اخطاء مطبعيه .. ياليت لو ترجع للنص وتفحص فيه من ناحية الوزن .. مع اني عارف انك تعديت حدود الكسور وانك شاعر فذ والدليل كما قلت في البدايه الفاظك ومفرداتك وصورك الشعريه .. لك مني كل الود |
رد: أول مصااافحه
صح لسانك ونبي الجديد الله لايهينك
انت شاعر راااائع |
رد: أول مصااافحه
صح الله السنتكم
جميعاااااااا وشكراااا ع المرور |
رد: أول مصااافحه
الله الله عليك وصح الله السانك قصيده رائعه كروعتك
ودي وتقديري |
| الساعة الآن 07:01 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
