|
,, الهجوس الطاغيه ,,
مع التحيه والتقدير لكل العابرين ,, مصافحه اولى
هبايب لك ذرا وانتي هبايب لك ذرا وحجـاب=مشاعر تلطم العابر وتعطـي حجـم وتبـدّي منازل هيبتك وسط العيون ومهبـط الاهـداب=تمادى با الحدود وتلمس الشريان وتهـدّ ي رحات الفكر تطحن والولاعه تزرع الاسبـاب=وانا برض الهجوس الطاغيه يدّي على يـدّي زماني فيه سويتي صدا في هامـة المرقـاب=وجذبني للصدا صوت الصدا , ودي ولا ودّي ورا يا منبع الهيبه ذراكي هو ذرا الاعجـاب=وانا اللي ما لبست لباس ما فصل على قـدّي مناديب الولع ترسل ولعيونـك تـدق البـاب=ولا غير العبـاره وش تبـي ردو لهـا ردّي واذا ودّا مع النسمه هبوب العاشقين وجـاب=تجيبك لي هبايب نجد حلم وطيـف وتـودّي مداهيل الصدر ساحه ويسبح في سماه اسراب=وانا ما اخالف الاسراب لو حضي وقف ضدّي انا ما همني جرح الزمان وحرقت الاعصـاب=تحملت الجروح النازفات ولا انكشف سـدّي بنيت من الهيام خيام وضلوعي هي الاطنـاب=ولا هز الكيان الخوف وسهومه على حـدّي عتابك لا وانا كلي عليكي با الخفوق عتـاب=وانا اقول العتاب ازمه تمـر البـال وتعـدّي مادام انتي شبيه اللي غيابه للوضوح غيـاب=غيابك مـا يبعدنـي ولا صـدك ولا صـدّي ترا ما جيت يمك ريب لو كل البشر ترتـاب=رضيتك لو معاي الوقت متهـاون ومتحـدّي رضيتك والرضا من خاطري لسلوبك الجذاب=امانه يا هبايـب يـا غـلا ردي علـي ردّي |
رد: ,, الهجوس الطاغيه ,,
بنيت من الهيام خيام وضلوعي هي الاطنـاب ولا هز الكيان الخوف وسهومه على حـدّي صح الله لسانك .. نص جميل جدا .. والجميل جدا المفردات الذهبيه فعندما ينتقي الشاعر مفردات عن مفردات فهذا يزيد من بهاء النص .. اهنيك على شاعريتك .. لو سمحت ياشاعرنا العزيز .. ودي استفسر منك اذا تسمح .. في البيت الثالث الشطر الاول منه انت تقول رحات الفكر تطحن والولاعه تزرع الاسبـاب هل جمع رحى .. ( رحات ) هذا كل ما لدي .. تقبل خالص ودي واشواقي .. أخوك أمير الشريف |
رد: ,, الهجوس الطاغيه ,,
صح لسانك مرزوق..
ماشاء الله الله يحفظك |
رد: ,, الهجوس الطاغيه ,,
آلرمآلي
صح الله ألسآنك , وعسآك ع القوة عوآفي :) |
رد: ,, الهجوس الطاغيه ,,
مرزوق الرمالي ياهلابك ويامرحبا
نص رائع ومعانى جميله صح الله لسانك وسلمت يمناك لاهنت |
رد: ,, الهجوس الطاغيه ,,
.. آبن رمال
صح الله لسانك يأبن العم وماقصرت على ماقدمت مبدع لاعدمت هالحضور تحيه لسموك انتظر جديدك بكل شوق |
رد: ,, الهجوس الطاغيه ,,
الله الله على هالنص اللي مكتسي شموخ شاعره
نص استمتعت بقراءته اخوي مرزوق وانت شاعر معروف ولك صيتك وشعرك اكبر شاهد لك بجزالته الله يجملك يالقرم في كل محفل وفي كل صرح تقبل اعجابي وتقديري اخوك ابو مشاري |
رد: ,, الهجوس الطاغيه ,,
اقتباس:
بخصوص سؤالك عن جمع رحى الجمع هو رحي يضم الرا وتشديد اليا,, ولكن يحق للشاعر التلاعب با الالفاظ طالما انه لم يخرج عن اساس الكلمه ويحكمه الوزن وموقع الكلمه ,, مثال كلمة يدين ممكن يطلق عليها ايادي ويطلق عليها ايدي . كذلك اسماك البحر وسمك البحر وسمكات البحر,, وقد قال احد الشعراء انا بلاي من البني الرعابيب** المترفات ومخلفات الهقاوي والبني جمع كذلك البنات جمع لك كل الشكر على مرورك وسؤالك واتمنى اني اوصلت لك المعلومه تحيتي |
رد: ,, الهجوس الطاغيه ,,
انا ما همني جرح الزمان وحرقت الاعصـاب تحملت الجروح النازفات ولا انكشف سـدّي بنيت من الهيام خيام وضلوعي هي الاطنـاب ولا هز الكيان الخوف وسهومه على حـدّي مرزوق الرمالي يا بعد حيّ قصيده روعه وصح السانك يا بعدي انتظر جديدك تحياي وشكري يالرمالي |
رد: ,, الهجوس الطاغيه ,,
الله الله الله روعه وجمال وابداع من شاعر لايشق له غبار
وهو الشاعرمرزوق الرمالي طاغي بجمال الشاعريه تقبل خوي مرزوق الرمالي مروري اخوك موسى ابومشهور |
| الساعة الآن 11:46 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
