الملتقى الجماهيري للشاعر محمد بن فطيس المري

الصبح نوره بان والنوم ممنوع
والحال يطويها السهر يا حياتي
حبك حبيبي بين الأضلاع مطبوع
في وسط قلبي لو يسبب وفاتي
ما همني غيرك ولا مثلكم نوع
نوعيتك تفرق بكل الصفاتي
كنك ترا بستان بالورد مزروع
تنثر ورودك في جميع الجهاتي
ولا العسل يقطر على هيئة ادموع
من وسط عينك لو تهل اعبراتي
الزين منك يا منى الروح مصنوع
وأنته خطفته من جميع البناتي
لا مرني طيفك وفزيت مفجوع
أحسبك يمي وأنت بالحلم تاتي
لا تلومني مثلي ترا صار مقطوع
من دنيته وأنته ترا له غناتي
آمر تدلل قول وآقول مسموع
لأن الحكي منك على مشتهاتي
حبك ترا نشريه والغير مبيوع
نبيع غيرك وأنت للمشتراتي
آمر ترا مليون..مليار..مدفوع
لجلك نجيبه لو بها مشكلاتي
قدرك حبيبي دايم الدوم مرفوع
بين الثريا والقمر يا مناتي
تطري علينا يالغلا طول الأسبوع
نسهر طوال الليل وأنته تباتي
والبعد يا خلي ترا صار موضوع
موضوع جنني ونكد حياتي
وأعلم ترا قلبي بفرقاك مخلوع
يغفر لي الله لو تسبب مماتي