الملتقى الجماهيري للشاعر محمد بن فطيس المري - دخلت الايميل لكن غايب ايميلك..

- الشعر و الشعراء (http://www.m-f6es.com/vb/forumdisplay.php?f=15)

- - دخلت الايميل لكن غايب ايميلك.. (http://www.m-f6es.com/vb/showthread.php?t=7213)

دخلت الايميل لكن غايب ايميلك..

السسلام عليكم..

شخباركم؟

احب اقدم لكم قصيده
بقلمي يارب تعجبكم..

عنوانها(ياغيوم الوصل)

يقول:

دخلت الايميل لكن غايب ايميلك
يالله عسى غيبتك بالعذر حاميها
لي مدة ن منتظر وارقب مخاييلك
واسهر عشانك وروحي لك معنيها
غيبتك مانقصت من قدر حبي لك
عيني لشوفك ظروف الوقت تحديها
لكنّ روّحت ثم غابت مراسيلك
والظاهر ان القطيعه ذي مواريها
ان كان غايب عناد ن في ياحليلك
والله لتبطي تندّم ماتسويها
انا ترا لازعلت امسك واشيلك
وقت الزعل ذكرياتك جد ارميها
وقت الزعل روحي تناظر محابيلك
وقت الزعل حامي ن نفسي حراميها
واذا رضيت ابشر بقلب ن يلبي لك
يابسلم الروح لاكثرت شكاويها
انا اشهد انك سحرت القلب ياويلك
من غيبةن تظهر جروحي وتكويها
بدعي عليك انت ماني صدق داعيلك
بدعي عسى روحك بحبي تشقّيها
الصبح قرّب وانا ارقب في مخاييلك
والظاهر ان اول الليله بتاليها
يالله دخيلك من الصدات ودخيلك
من غيبةن مدبره والعذر مخطيها

وسلامتكم

تقييمكم وارايكم

رائد