يدعيني الليل ,,
 

[poem=font="simplified arabic,6,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إي والله إني بعدكم ضايق وثاير=وشلون يهنا خفوقٍ عايش بحيره
صحيح عايش ولكن عيشت الحاير=أللي يراجع وش أخطا مع مساييره
يدعيني الليل وامشي بالخلا ساير=واقطع مع الهاجس ديار(ن) مهي ديره
أمشي واسج القدم والحال في غاير=فبحور حزنٍ مداها يألله الخيره
أحاكي النفس وأسألها وش الصاير=ليه الحزن ليه طالت بي مشاويره
ملت أصارع وجابه وقت الجاير=وأخفي أليا بان في وجهي تعابيره
ياعين مالوم لو دمعك غدى فاير=رسمتي الحلم وعشتي في تصاويره
خيالكي في مدى آآمالكي داير=تهتي ورا أحلام صرتي منها أسيره
والوصل أشوفه غدا من يمكم باير=ليتك تشوف الغلا وشلون تأثيره
إي والله إني بعدكم يالغلا ثاير=أصبح مع الهم وأمسي عايش بغيره
[/poem]

رد: يدعيني الليل ,,
 

روووعه يابو عيد شاعر مميز وانت خير من يمثل هل الشمال


صح لسانك ولاهنت

رد: يدعيني الليل ,,
 

حيااااك الله يابوعيد وصح لسآآنك نص رائع
بانتظار القادم .

تحيااااتي وتقديري.

رد: يدعيني الليل ,,
 

صح لسااانك

جميلة وقريبة للوجدان كثير

الله يجلي الحزن والهم من قلوب المسلمين

شاكر لك

رد: يدعيني الليل ,,
 

تسلم والله ياخوي
قصيده معبره وجميله
وجزله ولاهنت

رد: يدعيني الليل ,,
 

تسلم على الابيات الجميله

ابيات معبره ووجدانيه

وما زلت اقول عندك الافضل هههههههه ( الطمع بالاجواد اللي مثلك وشرواك )





.

رد: يدعيني الليل ,,
 

صح لسانك ولاهنت على هذه السلاسه
وروعة ماكتبت مع تحياتي الحارة
اخوك موسى ابومشهور

رد: يدعيني الليل ,,
 

رد: يدعيني الليل ,,
 

عيوني حزينة ..

ياهلا وغلا فيـــك مدد بلا عدد

شرفتني بها الاطلالة المميزة

اشكر مرور وتحيتي لك الى ان تجد للرضى مرسى

رد: يدعيني الليل ,,
 

الهوى حياك الله
اسعدني مرورك من هنا ,,
فلك تحية خالصة ٌ من القلب ..,,,,,