الملتقى الجماهيري للشاعر محمد بن فطيس المري - لعنبوها والله اني ماقدرت انساها

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - لعنبوها والله اني ماقدرت انساها (http://www.m-f6es.com/vb/showthread.php?t=7013)

لعنبوها والله اني ماقدرت انساها

صباحكم /مسسائكم شششعر

لعنبوها والله اني ماقدرت انساها
كيف بنساها واهي تطري على بنومي

والله اني من غلاها ماعشقت اسواها
ضيّعت مستقبلي في حبها وعلومي

دبلجت في عقلي الباطن حكي من فاها
من حلاوة قولها لخبطت في منظومي

الوكاد اني مبادر والخفوق اهداها
وردتن من عبق ريحانن ومن يشمومي

بعدها قامت تبسم جعلني افداها
وارتسم من حبنا قلبن وفيه سهومي

هي هواي بدنيتي هي علتي ودواها
هي سعادة قلبي الي بحبها محكومي

لكن الدنيا تراها تستدير ارحاها
وكل شيِ ماهو بثابت ولاهو بيدومي

حكمت الله لأجل خلقه يوم امر وانشاها
شي لك مقسوم وشي ماهو بمقسومي

ارسلت بنت الحلال ارسالتن مبداها
ياحبيبي والله اني عايشه بهمومي

قمت ادقق بس عيني دمعها غشاها
وقمت اكرر ماقريته كني المنجومي

اثرها خطبت ولا ادري منهو الي جاها
مير ابوها يذكر انه من خيار القومي

عيّت الخيرات تودي مركبي مرساها
وانكسر مجداف حظي وعاجزن له عومي

السعاده جعلها في دربها تلقاها
والفرح من وين مالقت تشوفه يومي

والله اني لا احترمها واحترم طرياها
واحترم حبن على وضح النقا محشومي

حافظ دروب المحبه وحافظن معناها
وحافظ سلوم المحبه مثل حفظ سلومي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]