قصيدة نصح اعجبتني كثير..
 

يامسندي يابدر مااقرب محاضيك
يامسندي هو ليه حبك نقازي

نوبن تنسينا الشقا في عجايبك
ونوبن تولعها بليفه وقازي

أدناه مازعلك وأدناه مااغضبك
تضحك وتقفل مثل قفل الجهازي

لولا الزعل مافيه شي يعذربك
عليك مايلقى عدوك مغازي

ماهي عداوه يوم اطالبك واضربك
انته حليف جدودنا منت نازي

لاشك انا يابدر بأنصحك وادبك
واعطيك من كل المعاني ايجازي

تلقى فوايدها ليا خط شاربك
فيها على كل الوصايا امتيازي

خلك شمالي عند زلة قرايبك
وعلى الحقوق ليا نصنك احجازي

لاتذخر المذخور من دون واجبك
اوف الحقوق الواردات بنجازي

للضيف والجيران لين جوانبك
بالطيب جاز وبالردى لاتجازي

واحلم على زلة رفيقك وصاحبك
وادمح خطاهم لا تصير انتهازي

يابدر والله ماتخونك مناسبك
من منسب طيب وساس عزازي

وان كان ابوي بكل الاحوال جاذبك
غلاك زاد وزاد فيك اعتزازي

للشاعر/ابن زويبن الحربي

رد: قصيدة نصح اعجبتني كثير..
 

رد: قصيدة نصح اعجبتني كثير..
 

رد: قصيدة نصح اعجبتني كثير..
 

نصيحه رااائعه وهي تدل عن رجل كبيـر وشاب مراهق


وعساه فهمها


لاهنتي يا ذوق ع الطرح وعساك ع القوه

رد: قصيدة نصح اعجبتني كثير..
 

ســـمــــــــــ المــراجــل ــــــــــو
يسعدني مرورك وردك الرائع لاهنت..

رد: قصيدة نصح اعجبتني كثير..
 

رد: قصيدة نصح اعجبتني كثير..
 

... ذووق ومنااوي


لله درك على هالمنقوله ابدعتي

ذوقك مميز دائما استمتع بالمرور

تحيتي لك