|
هذا الصدد
.. .. سولفي له يا اكّرم الرّيح في هذا الصدد .......................... عن حبايب بالجفا عن محب إلهم قـووا .. له ليال يعطـر يديـن شوقـه بالـودد .......................... ويشعل الآفاق حبٍ ولا ليلـة ضـووا! .. ويبتدي من غد يومـه بلامـال الجـدد ......................... ولا نوا فيهم قطيعة مثـل ماهـم نـووا .. من كثر ماحسّ ضعفه ؛ رأى مثلك مدد .......................... صار صدره راس رجمٍ به ذيابه عـووا .. ألعبي في رجم صدره لك أضلاعه هـدد .......................... مُشرعـات بالوفـا ليـن جافينـه رووا .. هبّي إرياح العصاري ولا تحصي عـدد .......................... كثرة أغصانٍ ورى مشّة أضلاعـه ذووا .. جفّة التربة من الما وغار إبهـا الخـدد .......................... وكل ماحدّر دلائـه ورى حزنـه هـووا .. جمّع آماله بصدره وضاعـت بـه بـدد ........................... وصار داوي بالوهم مثل ما آمالـه دووا .. مدّ حبله للروى وأجتـذب منهـم لـدد ............................ وأرتوى منهم عطش في رشاه اللي لووا .. أه يا ريح العصاري ورى هـذا الصـدد ............................ ماحوى صدره لهم ليتهم مثلـه حـووا .. .. وسلامتكم |
رد: هذا الصدد
صح لسانك وعتلا شانك قصيدة جزلة
|
رد: هذا الصدد
صح لسانك يا السالم
عز الله ابيات جزله الله يعطيك العافيه يالغالي امتعنا بما هو جديد |
رد: هذا الصدد
صح لسانك يامحمد
سجلني من ضمن القافلة الي تعجبهم قصائدك العذبة لاهنت |
رد: هذا الصدد
صح لسانك وعتلا شانك
|
رد: هذا الصدد
أه يا ريح العصاري ورى هـذا الصـدد
............................ ماحوى صدره لهم ليتهم مثلـه حـووا .. ياسلام يامحمد السالم ابيات لا يعلا عليهاا وابيات لا يجيدهاا سواك يالغالي دمت لنا بعطائك لك ودي وحترامي مررت |
رد: هذا الصدد
صح لساانك
قصيده جميله |
رد: هذا الصدد
وأنت سآلم أخوي محمد السالم
صح لسآنك وأعتلى شانك تحيتي |
رد: هذا الصدد
صح لسآآآنك ولاهنت على هذه الرائعه
تحياتي وتقديري. |
رد: هذا الصدد
|
| الساعة الآن 11:41 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
