|
ليه الزمن
السلام عليكم ورحمة الله وبركاتة احب ابدا اول مواضيعي فالمنتدى بها القصيده واتمنى تعجبكم قدلي وانا ماعاد احب الليل واعاف المقيل ... النوم مامن نوم وعيوني من اجله دامعه تطري علي النبره اللي حسها يبري العليل ... ويفز قلبي لاطرى واقوم كني سامعه اعيش في ذكرى التواصل بينا وقت(ن)جميل ... واقول ياليت الليالي طولت وانا معه ليه الزمن دايم على لحباب في طبعه بخيل ... يظلم كثير العاشقين ولا بوجه قامعه ازريت احصل ياهوى بالي على القطعه دليل ... واخاف من هرج الوشاه الحاقده والطامعه ياوجد حالي وجد من لاله عضيد ولازميل ... وصكت عليه اهموم بقعا كلها متجامعه على وليف(ن)حطني في موقف(ن)ماله مثيل ... تضحك علي العاذلين الناقله والسامعه وان جيت بخفي علتي يشبهها للمستحيل .... تفضحني دموعن على حجر عيوني لامعه كيف اتحمل بعد من ماله معا العالم بديل... لامن بنات الباديه او من بنات الجامعه لكن ليته يوم علقني بقى عندي خليل ... ولا ياليته يوم عزم يبتعد خذنا معه ماعاد باقي لي من الجسم النحيل الا القليل ... بقى الهواجيس الثقيله والعيون الدامعه وسلامتكم شـــــامــــــــان |
رد: ليه الزمن
صح لسانك ياشامان
قصيدة غاية في العذوبه لاهنت والى الامام مشاركة تستحق التقييم . |
رد: ليه الزمن
الله الله ياشامان ..
لله درك على هالدامعه .. قصييييده ما مثلها استمتعت بقراءتهاا بكل امانه شاعر جزل وانضمامك فخر وشرف للشعر والشعراء الله يحييك اخوي بيننا وتقبل اعجابي واعتبرني واحد من جمهورك ومتذوقي شعرك لا خلا ولا عدم يالقرم اخوك ابو مشاري |
رد: ليه الزمن
حيآك الله يآشآمآن وصح لسآنك.
نص في غايه الجمآل والروعه بانتظار المزيد ,, تحيآتي . |
رد: ليه الزمن
أخينا في الله الشاعر شامان نص باذخ الجمال والعذوبة بمفرداته الجزلة والجميلة بالرغم من العتاب الذي اعتراه من قبلكم يا خوي شامان وفقك الله وإلى الامام بمصافحات اخرى تشبعنا شعرا كهذه الباذخة .. أخي شامان طرحت .. فأبدعت .. ودون شك أعجبت .. ولا أخفيك استحقيت بأن قيمت .. في الختام لك خالص الشكر والتقدير والاحترام من قبل أختك في الله وأخت الجميع حروف من نور .. |
رد: ليه الزمن
صح الله ابدانكم جميع
ولاهنتو وشهادتكم لي عز وفخر وعذروني على التاخير |
رد: ليه الزمن
شامان ياسلام عليك قصيده اجذبتني شكراً لك
تحياتي لك مررت |
رد: ليه الزمن
الله الله الله
صح الله لسانك ياشامان على النص العذب ابيات غايه في الجمال تحمل في طياتها كتل احاسيس رهيبه الله يصح لسانك ملايييييين |
رد: ليه الزمن
صح الله لسانك .. جزله من شاعر جزل
|
رد: ليه الزمن
لاهنتو
ورياكم لي عزوفخر وعذروني كاني تاخرت مانيب متواجد ع طول |
| الساعة الآن 04:29 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
