|
هاض الخفوق
السلام عليكم هذي قصيدة من كلماتي واتمنى ان تنال اعجابكم :-
هاض الخفوق واتعب الفكر هوجاس وأخذت افكر بالسنين وعبرها قعدت أحسب واضرب اخما باسداس وطلع لي الناتج وقلت اختصرها مادمت شاعر واكتب والشعر باحساس ودي انقي من المعاني دررها وان زاد همي واشغل الصدر وسواس اعوذ بالله من الجنون وزمرها بعض البشر في صحبته ترفع الراس لاجيت يمه جيتك ماحقرها وبعض البشر ليته بالاقدام ينداس لين الحياة تذوقه من كدرها بعض الرجال افعالهم دوم نوماس يفخر بها الرجال لامن ذكرها من يفعل المعروف يلقاه ياناس ومن يغرس النخله بيجني ثمرها الطيب يبقى للرجاجيل نبراس والمرجله تبقى ويبقى اثرها للعز قيمه ماتقدر بالالماس وللمجد قصه مااحد قد نكرها الوقت قاسي والبشر عدة اجناس ومن لارقى العليا حياته خسرها مرت علي سنين واليال منحاس والقلب يشكي والسعاده هجرها |
رد: هاض الخفوق
صح لسااانك
ابدعت واتقنت الله لايهينك |
رد: هاض الخفوق
ماشاالله عليك وتسلم يمناك
وانت شاعر ولايهمك ابيات منتها الجمال ولاهنت |
رد: هاض الخفوق
صح لٍسسأنك
|
رد: هاض الخفوق
الطير الرحال
صح لسانك شاعر جزل ومميز لاعدمنا جديدك تحياتي |
رد: هاض الخفوق
هاض الخفوق واتعب الفكر هوجاس=وأخذت افكر بالسنين وعبرها قعدت أحسب واضرب اخماس باسداس=وطلع لي الناتج وقلت اختصرها مادمت شاعر واكتب الشعر باحساس=ودي انقي من المعاني دررها وان زاد همي واشغل الصدر وسواس=اعوذ بالله من الجنون وزمرها بعض البشر في صحبته ترفع الراس=لاجيت يمه جيتك ماحقرها وبعض البشر ليته بالاقدام ينداس=لين الحياة تذوقه من كدرها بعض الرجال افعالهم دوم نوماس=يفخر بها الرجال لامن ذكرها من يفعل المعروف يلقاه ياناس=ومن يغرس النخله بيجني ثمرها الطيب يبقى للرجاجيل نبراس=والمرجله تبقى ويبقى اثرها للعز قيمه ماتقدر بالالماس=وللمجد قصه مااحد قد نكرها الوقت قاسي والبشر عدة اجناس=ومن لارقى العليا حياته خسرها مرت علي سنين واليال منحاس=والقلب يشكي والسعاده هجرها مبدع ياخووي ابيات في قمة الروعه رااقت لي كثيراً اتمنا لك التوفيق والنجاح واصل من متابعيك انا مررت |
رد: هاض الخفوق
صح لسانك اخوي رحال قصيده شامخه ككصاحبهاا
ولكن مثلك عارف طال عمرك كل من يكتب هنا باسماءهم الحقيقيه وهذي هي شروط القسم للمحافظه على الحقوق الادبيه ونعتذر منك على ذالك لمواصلة الكتابه مع الشعراء في هذا القسم الرجاء طلب تغيير معرفك الى اسمك الحقيقي عبر قسم بريد الاداره واعتذر منك الى نقل الموضوع الى قسم نبض القوافي الى حين تغيير اسمك تقبل احترامي وتقديري أخوك ابو مشاري |
| الساعة الآن 08:13 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
