|
فيني حزن
مشاركتي الثانية واترك لكم التقييم :-
فيني حزن لو جاء في قمـة جبـال بيهدهـا ولا يـذوب صخـرهـا مأقسى الحزن لا صار في صدر رجال عايش يصارع دنيته مـع كدرهـا مالوم عيني لا غـدا الدمـع همـال ومالوم عيني لـو رقـادي هجرهـا من الزمن جاني وساويـس وهبـال والنفس تبكي تشتكي مـن قهرهـا يا قلب لاتزعل من الجرح لا طـال واصبر عسى الافراح يقبـل خبرهـا جريت صوتي من غثاء الوقت مـوال وهليت دمع العين واعمـى نظرهـا ياوقت تكفى طالبك ترحم الحـال حال الجريح الي جروحـه سهرهـا لو السعاده تنشـرى بكثـرة المـال لادفع لها دمـي وروحـي مهرهـا انا شربت الهم فـي كـل فنجـال وسكنت فبيوت الهمـوم وحجرهـا الناس حولي عايشه بكـل الامـال وانـا اتحـرى فرحتـي وانتظرهـا انا الحزن لكن على شكـل رجـال وانا الغثاء والهـم والخافـي ارهـا عشت المصايب كلها وشفت الاهوال ماصعب ليال الهم وماطول شهرهـا ماغير اسلي النفس بالقيـل والقـال وانا دموعـي غـارقٍ فـي بحرهـا ِ |
رد: فيني حزن
مالوم عيني لا غـدا الدمـع همـال ومالوم عيني لـو رقـادي هجرهـا ابيات راقت لي كثير ياخووي واصل وكون من متابعيك يالغلا تحياتي لك يابعدي |
رد: فيني حزن
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
رد: فيني حزن
لله درك اقولها وانا صادق
اشهد شهاده اني استمتعت بقراءتي هالنص الفاخر ارتويت شعر بنصك يالطير ولا عرف وش اصف من الحروف مقابل ما وجده من جزاله وجمال عانق السحاب صح لسانك ولاحرمنا هذه النصوص النادره بكل تاكيد .. لاخلا ولاعدم ولا حرمنا نبض حرفك تقبل مروري المتواضع .. وياليت اخوي الطير .. ان لا تكتب بهالقسم اكثر من موضوعين في واحد علشان المواضيع الباقيه تاخذ حقها من الردود اشكرك بعنف على ماقدمته أخوك ابو مشاري |
رد: فيني حزن
صح لسآنك ولآهنت عالقصايد الرآئعه
تحياتي وتقديري. |
رد: فيني حزن
الله يبعد عنك الحزن يارب
نص شعري ولا اروع بكل امانه فيه جزاله ومعاني كبيره لا تحرمنا جديدك يا بعدي |
رد: فيني حزن
كلمآت رآئعه " يعطيـك ـآلـعـآفيـهَ على جمَـآل طرحـكٌ..||~ د ـآم عطـآئكٌ ../..ورؤعـة تمَـيـزكٌ..~ مـودتيٌ.. |
رد: فيني حزن
ماغير اسلي النفس بالقيـل والقـال وانا دموعـي غـارقٍ فـي بحرهـا صح لسانك مميز كعادتك فالك التوفيق |
| الساعة الآن 02:40 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
